UNPAZ-HUSU MISA AGRADESIMENTU BA DIAS NATALIS NOMOS INSERAMENTU ORIENTASAUNTU

UNPAZ-HUSU MISA AGRADESIMENTU BA DIAS NATALIS NOMÓS INSERAMENTU ORIENTASAUNTU

Dili-Universidade da Paz (UNPAZ) husu misa agradesimentu ba komemorasaun aniversariu UNPAZ ba da XVIII nomós misa ba inseramentu orientasaun estudante foun tinan akadémiku 2022 nian, ne’ebé prejidi husi Amu Kapelaun, Manuel Pinto, no Amu Juvito do Rego, iha Salaun José Kasimikru (09/03).

Amu kapelaun, Manuel Pinto, iha omilia hateten, ohin loron ne’ebé espesial tebes ba UNPAZ selebra aniversariu ba da XVIII, ho idade ne’ebé sei joven no ran sei manas, UNPAZ iha nia komitmentu hodi kria edukasaun kualidade ba joven timor oan sira, tanba UNPAZ atinji nia meta no hahoris joven timor oan lubuk ida ho kualidade, razaun no meta ida ne’e ita hotu sivitas akadémiku ohin halibur iha fatin ida ne’e atu hasa’e sentimentu gratidaun ba maromak ba buat ne’ebé maroamk haraik mai ita.

”Buat ne’ebé ita atu reflete iha momentu ida ne’e, mak intelektual, sentidu katak universidade ema ida karik hatudu nia kapasidade intelektual ne’e dada ema hotu iha timor laran tomak mai tama iha UNPAZ, UNPAZ fatin atu forma ita nia kakutak no rasimu atu sai ema ne’ebé kalidade no integridade iha intelektual”,tenik Amu kapelau Manuel.

Magnifiku Reitór Universidade da Paz, Dr. Adolmando Soares Amaral, Lic. Eco.,MM. agradese ba Amu kapelaun Manuel Pinto, nomós Amu Juvito do Rego, ne’ebe investe ona tempu no enerjia hodi prejidi ona misa ba komemora loron aniversari UNPAZ ba XVIII, nomos ensera atividade orientasaun anu letivu 2021-2022, ba kanidatu estudante foun ne’ebe mak iha dili 2.400, Raeoa 200 ital, no Covalima 100 ital, ne’ebé tinan ida ne’e Universidade da Paz akumoda tán kandidatu estudante foun 3.000.

Nia hatutan, Agora dadun sei iha faze dahaat ninian kandidatu estudante foun barak mak sei rejistu hela, ne’ebé kalendariu akadémiku ba kandidatu estudante foun barak mak sei rejistu hela, tanba ne’e kalendariu akadémiku orientasaun ba faze segundu nian, sei akontese iha dia 15 de Marsu 2022 ba estudante 500 ital.

“Alin estudante sira antigus alunus sira hotu, katak ohin maka loron UNPAZ aniversariu ba da XVIII, ho nune’e hanesan Reitór, atu konvida ita bo’ot sira hotu, atu partisipa iha atividade programa aniversariu UNPAZ nian, husu ita bo’ot sira hotu hamutuk ho universidade ho estrutura sira nomós Fundador sira iha Fundasaun Neon Metin, para ita bele kontenti hamutuk iha loron Universidade da Paz nian, nomos ba kandidatu estudante foun”, dehan Reitór.

Reitór salienta, estudante ativu sira semester 1, 3, 5, no 7, katak Universidade da Paz sei halo pregrinasaun iha Kristu Liu-Rai iha dia 12 de Marsu, tamba ida ne’e Universidade sei konvida ita bo’ot sira hotu, para hamutuk ho Universidade ita halo peregrinasaun ba Kritu Liu-Rai no iha domingu misa iha parokia Lete-Foho.

Tamba ida ne’e husu ita bo’ot sira hotu atu be’ele partisipa, peregrinasaun ne’e la’os foin maka atu halo, ita hahú iha 2019 ita ba halo peregrinasaun iha nain Feto Ramelau, tuir mai ita ba halo pregrinasaun iha Nossa Senora Aitara, no tuir mai ita ba Nossa Senora Fatubessi, no tinan ida ne’e ita ba halo peregrinasaun iha Kristu Liu-Rai iha Lete-foho, tamba sa maka ita tenki halo peregrinasaun, maka ita la tau maromak ne’e iha sentru, maka ita sei lahanesan ne’e, Unpaz hanesan ne’e tamba grasa bo’ot maromak nian, Nia reforsa.

Partispia iha misa agredesimentu ne’e, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Amu Kapelaun, Manuel Pinto, no Amu Juvito do Rego, Estrura tomak Kompostu husi Vece Reitór, Dekanu Fakuldade 6, Xefe Departamentu sira, Diretór/a Unidade sira, Dosente Funsionariu, Sivitas Akadémiku hotu, Estudante sira hoti iha UNPAZ.