![UNPAZ-HETAN VIZITA HUSI UNIVERSIDADE PERSABAH INDONESIA](https://unpaz.tl/asset/foto_berita/299986992_794055332046421_7718174867332991328_n.jpg)
UNPAZ-HETAN VIZITA HUSI UNIVERSIDADE PERSABAH INDONESIA
Dili-Universidade da Paz (UNPAZ) simu karta pedidu husi Universidade Persabah Indonesia iha dia 08 de Agustu semana hira liu-ba, no ohin loron sira konsege mai vizita iha UNPAZ, husi vizita ne’e hakarak halo kooperasaun hamutuk ho Universidade da Paz, iha, edifisiu Vise Reitor (18/08).
Vise Reitor Asuntu kooperasaun Interna & Externa, Sr. Luis Pereira Cardoso, Dip. Cs. Lic. CSH. MA. Mcs, dehan objetivu sira hameno karta ne’e ba ita no sira mai vizita iha duni, no sira hakarak inisia kooperasaun ho Universidade da Paz, sira mós hakarak atu fó bolsu estudu ba ita nia estudante sira nomós halo pertukaran mahasiswa durante semester I entre ita bele ba iha ne’eba durante fulan balu.
“Sira mós atu fó oportunidade ba ita nia dosente sira ne’ebé mak hakarak atu hasai douturamentu no masteradu iha ne’eba, sira fó hanesan diskon ba ita nia dosente sira, signifika atu redus biaya balu”,dehan Vise Reitor
Nia reforsa, maibe ha'u ho Vise Reitor Asuntu Akadémiku seidauk foti desizaun ida ne’e, maibe ita sei hein Magnifiku Reitor, tamba nia la iha ne’e, pois ida ne’e mak ita halo diskusaun ho Magnifiku Reitor hodi aprezenta saida mak ohin ami halo, ita hein desizaun husi Magnifiku Reitor dehan ita atu halo kooperasaun ho sira iha futuru.
Partisipa iha sorumutuk ne’e Vise Reitor Asuntu Akademiku, Sr. Joaninho Xavier Hei, Lic.CSH.,M.Ed. Vise Reitor Asuntu kooperasaun Interna & externa, Sr. Luis Pereira Cardoso, Dip. nomos delegasaun husi Universidade Persabah Indonesia.