![UNPAZ-FTA ABERTURA BA ESTAJIU PROFISIONAL](https://unpaz.tl/asset/foto_berita/21.jpg)
UNPAZ-FTA ABERTURA BA ESTAJIU PROFISIONAL
Dili–Universidade da Paz (UNPAZ) liuhusi Fakuldade Teknologia Agrikola hala’o serimónia abertura ba atividade programa estajiu profisional tinan akadémiku 2022, iha Salaun Jose Kasimiru UNPZ (05/05).
Magnifiku Reitór, Universidade da Paz, Dr. Adolmando Soares Amaral, Lic. Eco.,MM. katak departamentu rua ne’ebé mak sei desloka hodi halo estajiu profisionais, hakarak husu ba kolega estudante sira iha momentu ne’ebé ita bo’ot sira halo atividade pratika ne’e, hatu ba ita nia kualidade siénsia no teknologia ne’ebé ita aprende durante ne’e, iha tempu balu ita tenki demostra.
“Ita tenki hatudu ita nia kualidade ne’ebé di’ak liuhusi ita halo buat ne’ebé diak no ba iha ema seluk nia fiar ba ita, maka ema bele dehan universidade ida ne’e iha nia kualidade, tanba kualidade ne’e tenki merkadu mak defini la’os ema ida mak atu julga ita kualidade iha ka la iha, wain hira ita bo’ot sira ba halo atividade iha ne’eba mak ema julga katak universidade ida ne’e nia rekursus sira iha kualidade”,tenik Reitór UNPAZ.
Nia salienta, ita hotu iha responsabilidade moral atu bele kuidadu naran bo’ot universidade ida ne’e, uituan ka barak kontribuisaun ne’ebé ita fó, buat ne’ebé ami iha mak ami fahe ba ita bo’ot sira, ami fahe ba ita bo’ot sira ne’e kestaun ho tempu de’it, ami horseik, ita bo’ot sira ohin, se ita hotu-hotu horseik, ohin imi la tur iha ne’eba, ami mós la iha ne’e, tanba tempu mak fahe tia ami ho ita bo’ot sira, ami horseik, ita bo’ot sira ohin, mak ami iha dever no iha responsabilidade moral hodi fahe informasaun sira orseik ba ita bo’ot sira, tanba ne’e ita kompleta malu para atu bele dezenvolve ita nia rai ikus main ita hotu nia kontribuisaun tenki rezulta povu moris di’ak.
Dekanu Fakuldade Teknologia Agrikolaq, Sr. Joni dos Santos, Lic. Tec.,Agr.,M. Agr. informa ba magnifiku reitór, ami husi fakuldade tekonolgia agrikola, periudu estajiu la hanesan ho fakuldade sira seluk ne’ebé hala’o sira nia estajiu iha semester impar, mais ami nian sira hala’o estajiu ne’e iha semester par, sira de’it mak hala’o atividade estajiu profisional ne’e ikus, depois de sira remata teste final ba semester impar ninian.
Nia hatutan, estajiadu sira desloka ba fatin ne’ebé determina ona ba departamentu konservasaun rekursus naturais nian, ba iha fatin rua diresaun ambiente no iha floresta ne’ebé ita koloka ona, ba konstrusaun naturais grupu ida ba iha ambiente no grupu tolu ba iha floresta, ita bo’ot sira sei desloka ba iha patikerot ambiente nian, informasaun ruma husi diresaun ne’eba lori imi ba iha terenu, depende ba sira nia programa ne’ebé sira sei halo.
Depois teknologia prosesamentu aihan ninian, sei desloka ba iha fatin empresa ki’ik oan sira ne’ebé maka relevante ho nia kursu prosesamentu ninian, imi ida-idak hatene ona imi nia fatin tanba iha ona kontaktu ba iha empresa na’in sira ne’ebé sira fó ona opinizasaun imi mós iha ona fatin orsida ita sei koloka ba iha ne’eba durante semana 2, tenik Nia.
“Buat ne’ebé hakarak husu ba imi maka, durante semana 2 nia laran imi tenki aproveita tempu ne’e ho masimu para bele aprende buat foun ruma, aliende aprende ona buat balu husi teoria ne’ebé fó pratikamente iha padaraun ne’ebé imi presiza mós aprende husi ita nia belun sira ne’ebé estabelese ona iha empresa ne’e, iha tempu naruk ne’ebé sira iha esperiensia barak ne’ebé sira halo ona durante ne’e”,dehan Dekanu FTA.
Nia reforsa, imi maka hatene utiliza imi nia tempu ne’e, oinsa para atu la bele husik tempu ne’e mamuk aproveita didi’ak buat saida maka imi hetan. portantu ida ne’e imi maka hatene aproveita tempu ne’e ho masimu para imi labele atraza iha imi nia relatoriu, kuandu to’o ona ezame klaran ba semester par nian, durante semana 2 la’os tempu para atu halimar la’os tempu para atu halo konversa ne’ebé maka laiha benefisiu maibe utiliza tempu ne’e mós ba imi nia aprosonamentu ba estudu ba iha imi nia atividade akdemiku ne’e para imi bele eleva imi nia kapasidade liu-liu iha área pratika nian.
Partisipa iha atividade refere, Magnifiku Reitór, Dr. Universidade da Paz, Adolmando Soares Amaral, Lic. Eco.,MM. Dekanu Fakuldade Teknologia Agrikolaq, Sr. Joni dos Santos, Lic. Tec.,Agr.,M. Agr. Ho Estrutura tomak, inklui estajiadu/a sira iha Universidade da Paz.