UNPAZ-FSP REALIZA TOMADA DE POSE BA SENADU FOUN

UNPAZ-FSP REALIZA TOMADA DE POSE BA SENADU FOUN

Dili-Universidade da Paz (UNPAZ) liuhusi Fakuldade Saúde Públika realiza serimónia tomada de pose senadu estudantil foun ba tinan akadémiku 2022-2023, iha Salaun José Kasimiru UNPAZ (22/10).

Dekanu Fakuldade Saúde Públika, UNPAZ, Sr. Martinus Nahak Lino, AMKL, Lic. Sp. M. AP. Orgullu tebes ba imi hotu nia kolaborasaun, nomós parabens ba senadu sesante ho nia estrutura tomak ne’ebé hala’o ona kna’ar durante tinan ida, ho imi nia esforsu tomak hodi kontribui ba Fakuldade Saúde Públika.

“Lo’os duni buat barak ne’ebé imi halo, no balu la realiza tanba tempu ne’ebé imi tenki kumpri mós ho aula sira”,dehan Dekanu FSP, Sr. Martinus Nahak.

Nia hatutan, estrutura foun Fakuldade Saúde Públika, tanba ne’e imi nafatin hala’o atividade sira, hanesan debate, kompetisaun nomós atividade sira seluk tán, imi tenki asesgua kampus ida ne’e, no dezenvolve kampus ida ho saudavel.

Senadu Sesante FSP, Jeronimo L. do Rosario de Deus, hateten Fakuldade Saúde Públika hanesan, Fakuldade ne’ebé mak eziste iha Universidade da Paz, tanba ne’e, atividade ne’ebé ami hala’o durante, ami nia mandatu, ohin ofisialmente entrega ba senadu eleitu ho nia estrutura tomak, atu bele kontinua fila fali atividade sira.

“Programa barak ne’ebé durante ami nia mandatu ami promote, konsege realiza balu no balu la realiza, tanba tempu ne’ebé mak ami tenki, tuir mós iha prosesu aprendiajen ninian iha aula”,tenik Senadu Sesante FSP, Jeronimo.

Sorin seluk, Senadu Eleitu FSP, Panteleao Aparicio Canizio, katak, momentu importante no interasante tebes, ohin loron ha’u mai hamrik iha fatin ida ne’e, hodi reprezenta estudante Fakuldade Saúde Públika, tanba sai hanesan senadu Fakuldade, komfiansa husi ita bo’ot sira.

“Ohin loron ha’u hamrik iha ne’e, reprezenta imi hotu, buat ne’ebé ohin ita promote no jura ba Fakuldade no Universidade, ita senadu eletiu prontu kontribui, tanba ne’e pozisaun ne’ebé iha, labele konsidera hanesan oportunidade, pozisaun ne’ebé iha, tenki tau iha fuan ho laran, ida ne’e ha’u nia responsabilidade”,dehan Senadu eleitu Panteleao.

Partisipa iha serimónia tomada de pose ba senadu eleitu ne’e, Dekanu Fakuldade Saúde Públika, UNPAZ, Sr. Martinus Nahak Lino, AMKL, Lic. Sp. M. AP. ho estrutura tomak husi FSP, Senadu Sesante FSP, Jeronimo L. do Rosario de Deus, ho Estrutura, Senadu Eleitu FSP, Panteleao Aparicio Canizio, ho estrutura, inklui sivitas akadémiku hotu iha Universidade da Paz.