![UNPAZ-FSP REALIZA SEMINARIU NASIONAL](https://unpaz.tl/asset/foto_berita/59.jpg)
UNPAZ-FSP REALIZA SEMINARIU NASIONAL
Dili-Universidade da Paz (UNPAZ) liuhusi Fakuldade Saúde Públika hala’o seminariu nasional ho tema “Efetividade Sistema Informasaun Saúde Liuhusi Pes ba Intervensaun Vasina Covid-19 iha Timor-Leste”, iha Salaun Jose Kasimiru (09/11).
Dekanu Fakuldade Saúde Públika, Sr. Martinus Nahak Lino, AMKL, Lic. Sp. M. AP, hateten, Seminariu nasional ida ne’e, inisiativa husi departamentu biostatistika Sistema informasaun da saúde, haree ba kontestu atual, kona-ba pandemia covid-19 ne’ebé mak akontese iha mundu tomak, hodi fó impaktu ba aspetu hotu.
“Agradese ba WHO ho intervensaun ne’ebé iha, bele redus pandemia covid-19 mai iha ita nia rai Timor-Leste”,dehan Dekanu Fakuldade Saúde Públika, Sr. Martinus Nahak.
Iha sorin seluk, WHO EPI MEDICAL OFFICER, Organizasaun Mundial ba Saúde (OMS), Dr. Sudath Peiris, hatutan, importante husi seminariu ida ne’e, liu-liu saúde públika, estudante sira husi nivel akadémiku, tanba ne’e, seminariu ida ne’e, OMS sei ajuda estudante sira, oinsa integra iha sistemna saúde.
“OMS prontu atu fahe informasaun liu-liu ba iha pratika nian, tanba ne’e agradese ba estudante sira ne’ebé mak organiza seminariu ida ne’e ho di’ak tebes, husi OMS interasante tebes atu suporta iha futuru”,tenik Dr. Sudath.
Entretantu seminariu nasional ida ne’e, hetan oradór prinsipa sira mak hanesan, WHO EPI MEDICAL OFFICER, Organizasaun Mundial ba Saúde (OMS, Dr. Sudath Peiris, hodi ko’alia kona-ba Papel OMS ba Intervensaun Vasina Covid-19, Akadémista Fakuldade Saúde Públuka UNPAZ, Sr. Belarmino da Silva Pereira, Lic SP.,MM.RS. ko’alia kona-ba Timor-Leste Health Policy, Xefe Sek. Promosaun no Edukasaun Saúde Ministériu da Saúde, Sra. Misliza Vital, Lic. SP. Ko’alia kona-ba promosaun no edukasaun Saúde ba Intervensaun Vasina Civid-19 iha Timor-Leste.
Partisipa iha atividade refere, Vice Reitor Asuntu Adminisatrasaun no Finasas Sr.Caetano Carcerres Correia, Lic. Eco., M. Ak. CMA. Dekanu Fakuldade Saúde Públika, Sr. Martinus Nahak Lino, AMKL, Lic. Sp. M. AP. ho etrutura tomak, inklui Estudante sira husi UNDIL, ICS, nomós UNPAZ.