![UNPAZ-FSP REALIZA EZAME IKUS BA ESTUDANTE SIRA](https://unpaz.tl/asset/foto_berita/85.jpg)
UNPAZ-FSP REALIZA EZAME IKUS BA ESTUDANTE SIRA
Dili-Universidade da Paz (UNPAZ) liuhusi Fakuldade Saúde Públika hala’o ezame ikus ba estudante sira, bazeia ba kalendariu akadémiku 2022, iha aula FSP (16/11).
Profesora Teresinha R. Gonsalves, Lic. SP.,M. SP. hateten, materia ne’ebé ha’u lori maka Saúde Psikologia ba estudante semester II, ohin realiza ezame ida ne’e, tanba ami nia aula sura hamutuk sanulu resin haat, aumenta tan ezame tetes no tas, hamutuk sanulu resin neen, kona-ba kriteria realiza ezame ida ne’e estudante sira iha modul no lunas propinas.
“Sira ne’ebé seidauk prinse rekijitu, sei halo ezame susulan, bainhira kompleta ona rekijitu sira bele ezame iha loron hirak tuir mai”,tenik ProfesoraTeresinha.
Iha sorin seluk, Madre Dorateia Gonsalves, nu’udar Estudante FSP, salienta materia ne’ebé ohin ami ezame ne’e, materia Saúde Psikologia ne’ebé prinse ona rekijitu sanulu resin haat, hasoru malu iha aula, ho ida ne’e mak ami hakat ona ba ezame ikus nian, materia ne’ebé ami ezame la ses husi esplikasaun husi dosente nian ne’ebé durante hanorin iha aula.
“Ami sente ezame ida ne’e di’ak tebes, tanba buat ne’ebé durante ne’e ami aprende mak fó sai fali iha ezame ida ne’e, materia ne’ebé ami ezame fasil tanba livru ne’ebé ami estuda durante iha aula, tanba ne’e ema ne’e’bé estuda sente fasil no ida ne’ebé la estudam mak nia sente difisil”,Informa Nia.
Nia hatutan, Siensia ne’ebé dosente sira fó mai ita aprende husi sira, ida ne’e sai hanesan historia ida ba ita, tanba ita hatene katak, buat hotu la’o ho di’ak, tanba ita mai eskola atu aprende, no soe tempu hodi esforsu an hodi aprende.