![UNPAZ–FSP REALIZA ATIVIDADE ELEISAUN BA XEFE SENADU ESTUDANTIL TINAN 2023.](https://unpaz.tl/asset/foto_berita/02.jpg)
UNPAZ–FSP REALIZA ATIVIDADE ELEISAUN BA XEFE SENADU ESTUDANTIL TINAN 2023.
DILI-Universidade da paz (UNPAZ) liuhusi Fakuldade Saúde Públika, realiza atividade elisaun ba xefe senadu estudantil ba tinan akadémiku 2022-2023 hodi nune’e bele hala’o kontinuasaun planu ne’ebé mak iha Fakuldade nia laran, iha Salaun José Casimiro (23/09)
Viçe Decanu Asuntu Estudantil Fakuldade Saúde Públika Sr. Santiago Jorge Pereira Lic. SP. MPH, hateten Universidade da Paz, liuhusi Fakuldade Saúde Públika, ne’ebé mak tinan–tinan ita sempre halo aktividade eleisaun ba senadu estudantil.
Nia hatutan, estudante sira ne’ebé mak atu vota fihir neneik, tanba iha kolega na’in ne’en mak kandidatu an ba iha xefe senadu tinan ida ne’e, ita nia demokrasia ne’e buras, loloos ne’e kandidatu ba iha xefe senadu ne’e to’o na’in haat de’it, maibe tinan ne’e iha ema na’in neen kedas mak kandidatu an ba iha xefe senadu ne’e hanesan dalan ida ne’ebé mak di’ak.
“Husu ba kandidatu na’in neen orsida hato’o ita bo’ot sira nia komprimisu no ita bo’ot nia planu sira ne’ebé mak atu hala’o durante tinan ida ne’e, karik ema fó fiar ba imi na’in hira ne’e, ida atu sai duni hanesan xefe senadu estudantil ba tinan ida ne’e, akrik imi na’in neen ne’e mak balu la hetan kargu nu’udar xefe senadu, maibe imi sira ne’e mak sei sai fali estrutura senadu estudantil hamutuk ho xefe hodi bele organiza atividade sira ne’ebé mak planu hela iha fakuldade nia laral”,tenik Nia.
Nia salienta, imi na’in neen sei hala’o tuir imi nia planu sira ne’e karik ema fó fiar ba imi atu sai hanesan xefe senadu estudantil ba tinan ida ne’e, imi nia estrategia sira ne’ebé mak forma mesak furak, tanba ne’e koko ba hodi organiza malu iha atividade sira ne’ebé mak imi planu ona.
Entretantu kandidatu na’in neen ba iha xefe senadu estudantil iha Fakuldade Saúde Públika mak hanesan, Nezio L. Alves das Neves, husi Departamentu Ciensia Epidemologia, Jaime do Santos Elo, husi Departamentu Ciensia Nutrição, João Bosco Soares Ciensia Nutrição Natalino Ximenes, husi Departamentu Biostatistika, Panteleão Aparicio Canizio, husi Departamentu AGPS, Samuel Barros de Araujo, husi Departamentu Ambieltal.
Partisipa iha atividade eleisaun refere Vise Dekanu Asuntu Estudantil Fakuldade Saúde Públika, Sr. Santiago Jorge Perreira Lic. SP. MPH ho Estrutura, nomós Xefe senadu estudantil Saúde Públika Jeronimo Do Rosario de Deus, no mós estudante sira iha Universidade da Paz liliu ba Fakuldade Saúde Públik.