UNPAZ-FSP REALIZA ABERTURA PAK II NO III

UNPAZ-FSP REALIZA ABERTURA PAK II NO III

Dili-Universidade da Paz (UNPAZ) nia estudante Fakuldade Saúde Públika hala’o sermonia abertura ba estudante hamutuk atus rua ualu nulu resin hitu (287) ne’ebé sei tuir Pratika Atividade Kampu (PAK) segundu no terseiru sei hala’o iha Manatutu dia 22 Jullu no remata dia 3 Setembru 2022, iha Aula Multifunsaun FSP (15/07).

Dekanu Fakuldade Saúde Públika, Sr. Martinus Nahak Lino, AMKL,Lic.Sp.M.AP, hatete tuir kalendariu ne’ebé Fakuldade Saúde Públika hasai ba estudante semester VI hodi hala’o atividade pratika iha komunidade durante fulan ida semana rua.

Nia hatutan, tenki respeita malu no respeita mós ema nia kultura, estudante Saúde Públika imi ba tenki implementa imi nia planu, hodi hamutuk ho komunidade nomós autoridade sira.

“Tenki iha kapasidade atu organiza, kapasidade atu komunika, kapasidade atu halo aprosimasaun, hanesan Saúde Públika ida ne’e mak laboratorium bo’ot liu mak pratika baze ne’e”,dehan Dekanu FSP.

Entretantu abertura ne’e loke husi, Dekanu Fakuldade Saúde Públika, Sr. Martinus Nahak Lino, AMKL,Lic.Sp.M.AP. partisipa husi Estrutura tomak husi FSP, inklui Estudante sira.