UNPAZ-FSP HALO KOPERASAUN HO NAGOYA CITY UNIVERSITY OF JAPAN

#UNPAZ# 11 NOVEMBRU 2021

UNPAZ-FSP HALO KOPERASAUN HO NAGOYA CITY UNIVERSITY OF JAPAN

Dili-Universidade da Paz (UNPAZ), nia Fakuldade Saúde Públika hala’o atividade koperasaun NAGOYA CITY UNIVERSITY OF JAPAN, husi Virtual Exchange class between UNPAZ and NCU-Implementation Plans, liuhusi Zoom iha Aula prof. Dr. Lucas da Costa (11/11).

Xefe Departamentu Nutrisaun Sr. Cipriano do Rosario Pacheco, AMG. Lic.SP.,M. Kes. Hateten atividade ida ne’e ita responde ba iha koperasaun entre UNPAZ ho NAGOYA CITY UNIVERSITY, ne’ebé ita asina tiha ona akordu desde 2017, ida ne’e atividade regular ida kada tinan-tinan ita sepmre iha estudu komparativa, sira husi NAGOYA CITY UNIVERSITY mós mai, ita nia estudante mós ba.

"Informasaun ohin interasante tebes, alinde ita halo aprezentasaun kona-ba atividade Fakuldade nian liu-liu ba iha atividade pratika baze iha komunidade, maibe ohin atividade importante mak ita halo vizita direita, maske liu de’it husi virtual, maibe ita nia estudante sira hala’o atividade lubuk ida", Sr. Cipriano.

Nia hatutan, tanba situasaun Covid-19 durante tinan rua ita nia atividade estudu komparativu ne’e ita hala’o de’it virtual husi zoom hanesan ohin dadauk ita asiste.

Partisipa iha atividade refere, Dekanu Fakuldade Saúde Públika Sr. Martinos Nahak Lino, A.MKI.,Lic.SP.,M.AP ho Estrutura Dosente no Funsionariu, Pro Reitór Asuntu Akádemiku. Sr. Joaninho Xavier Hei, Lic.,CSH.,M.Ed. inklui Estudante sira.