UNPAZ-FSP ENSERAMENTU ATIVIDADE EPAK II NO III PROMOVER PROTEGER PREVENIR

UNPAZ-FSP ENSERAMENTU ATIVIDADE EPAK II NO III PROMOVER PROTEGER PREVENIR

Dili-Universidade da Paz (UNPAZ) nia estudante husi Fakldade Saúde Públika hala’o serimónia enseramentu pratika atividade kampu (PAK) durante fulan ida semana rua iha, Munisipiu Manatutu, Suku Ili-Heu (02/09) horseik.

Magnifiku Reitór Universidade da Paz, Dr. Adolmando Soares Amaral, Lic.Eco., MM. hateten bainhira ita atu ko’alia reprejenta povu maka ita tenki tun ba baze, han, hemu, toba hamutuk ho povu no sente saida mak sira sente, se ita la tunba sente saida mak sira sente ita la ba han saida mak sira han, ita la toba ho sira para hatene sira nia kondisaun, maka ha’u husu ba imi lubuk ida ne’e, aban bairua imi hetan oportunidade karik imi na’in hira bele ko’alia reprejenta povu tanba imi halo ona ida ne’e.

“Ita kundu ko’alia reprejenta povu tenki hatene nia kondisaun, tenki sente saida mak sira sente, entau bele ko’alia reprejenta povu, tanba rai ida ne’e presija dezenvolvimentu no povu tenki moris di’ak, ita hotu iha ne’e no imi na’in hira ne’ebé hala’o atividade iha ne’e, ami na’in hira ne’ebé hetan oportunidade hodi forma imi liuhusi prosesu aprendisajen iha universidade, ita tenki ko’alia nafatin ba ita nia lider no polítiku na’in sira”dehan Reitór.

Xefe Suku Ili-Heu, Sr. Agustino Soares, apresia tebes ba estudane sira ne’ebé hala’o estájiu durante fulan ida seman rua, ami sente kontente tebes, tanba bele mai ona iha komunidade hodi aumenta tan sira nia esperiensia, durante ami nia komunidade infrenta difikuldade, tanba ne’e estudante sira mai peskiza no haree diretamente problema ne’ebé ita nia komunidade sira hasoru.

“Apresia tebes estudante sira nia prejensa iha suku ida ne’e, hodi ajuda ami hodi identifika lolo’os problema sira ne’ebé mak akontese iha komunidade sira”tenik Xefe Suku.

Dekanu Fakuldade Saúde Públika, Sr. Martinus Nahak Lino, AMKL, Lic. Sp. M. AP, hateten objetivu husi atividade pratika nian ita bele atinji ona liuhusi aprejentasaun ne’ebé ohin aprejenta hatudu rejultadu ne’ebé di’ak, agdaese durante fulan rua resin estudante sira mai iha fatin ida bele bele saúde di’ak nafatin.

Obrigadu barak ba dosente orientadór na’in 6 nia esfosu tomak ne’ebé imi halo, no agtrades ba nai Xefe Suku ho nai Xefe Aldeia na’in rua, komiunidade sira hotu nomós juventude sira hotu iha ne’e, bele simu malu hanesan familia ida, no hanesan Universidade da Paz nia familia bo’ot ho Fakuldfade Saúde Públika nia familia bo’ot”katak Dekanu.

Iha sorin seluk, Dosente orientadór, Sra. Felisbela A. O. de Oliveira Lic, SP.,M. SP. iha okaizaun ida ne’e lori dosente orientadór na’in hira ne’ebé lidera ba atividade aprendisajen ba segunu ho terseiru nian iha aldeia rua ne’e, ami agradese ba Magnifiku ho estrutura tomak, Dekanu ho estrutura, liuliu nai Xefe Suku no Xefe Aldeia na’in rua no komunidade sira hotu ne’ebé servisu hamutuk.

“Rejultadu ne’ebé ohin aprejenta di’ak, signifika katak servisu ida ne’ebé masimu tebes, sira la mesak sira ho komunidade sira liuliu nai Xefe Suku no Xefe Aldeia, inan aman joven imi nia tulun imi nia apoiu masimu hodi ajuda estudante sira”,Nia Informa.

Reprejenta Xefe Grupu 6-7, Calistro Lhit Ximenes, agradese ba partisipasaun no kolaborasaun durante hamutuk ho komunidade sira, tanba laiha buat ida atu akontese ba ami durante fulan ida semana rua, iha Suku Ili-Heu, agradese ba nai Xefe Suku no Xefe Aldeia na’in rua nomós juventude nomós komunidade sira hotu.

Partisipa iha atividade refere, Magnifiku Reitór Universidade da Paz, Dr. Adolmando Soares Amaral, Lic.Eco., MM. ho estrutura ne’ebé kompostu husi Vise Reitór, Diretor/a sira, Xefe Suku Ili-Heu, Sr. Agustino Soares. Ho komitiva tomak, Dekanu Fakuldade Saúde Públika, Sr. Martinus Nahak Lino, AMKL, Lic. Sp. M. AP, ho estrutura, dosente orientadór sira, PNTL, Inan aman, Juventude, inklui estudante sira hotu.