UNPAZ-FSP ABERTURA PAK BA ETAPA PRIMEIRU

UNPAZ-FSP ABERTURA PAK BA ETAPA PRIMEIRU

Dili-Universidade da Paz (UNPAZ nia Fakuldade Saúde Públika hala’o abertura ba estudante semester lima ho total estudante atus tolu rua nulu resin lima (325) ba etapa primeru hodi halo Atividade Pratika Kampu (PAK) durante semana rua iha Munispiu Manatutu, Postu Administrativu Laclo, iha Aula Multifunsaun Saúde Públika (28/03).

Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. hateten, ohin ita halo palestra ou pembekalang ba estudante sira semester (5), ne’ebé atu ba halo pratika estudu kampu, tamba ida ne’e mak dosente sira fó palestra ba sira tuir depatamentu sira ne’ebé iha, atu nune’e sira komprende kona-bá prosessu komprende kona-bá formatu no instrumentu sira ne’ebé iha.

Nia hatutan, depois fahe mós esperensia ituan ba sira depois sira ne’e komprende, tamba objetivu husi Atividade Pratika Kampu (PAK) primeiru ne’e estudante sira atu hetan informasaun tenki foti dadus durante semana (2), iha Postu Administrastivu Laclo Munisipiu Manatuto, depois sei kuntinua ho Atividade Pratika Kampu (PAK) segundu ho terseiru iha Fulan Agustu no Setembru, tamba ne’e ita fó palesta ba sira bele komprende kona-bá lala’ok implementasaun Atividade Pratika Kampu (PAK).

Dekanu ne’e Salienta, estudante sira tenki komprende kona-bá prosessu Atividade Pratika Kampu (PAK) ne’e rasik, hodi foti dadus oinsa hatama dadus input tuir sistema ne’ebé iha, tamba ita hetan lisaun husi Manifiku Reitór katak ita tenki tama iha sistema, prosessu ida sitema informasaun kada grupu tenki hanesan, ami forma ona kona-bá sistema ne’ebé iha atu nune’e sira bele utuliza iha pratika laran, depois sira nia koñesementu ne’e tenki hanesan.

“ita tenki uza sistema orientasaun ne’e ida de’it, estudante iha komprensaun hanesan ida ne’e mak ita nia hakarak tamba ita kria sistema, sira tenki disiplina tuir orientasun ne’ebé regras Fakuldade hato’o, depois ita nia pratika ne’e bele la’o ho susessu”,haktuir Dekanu FSP.

Partisipa iha abertura ba atividade refere, Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. ho estrutura tomak, inklui estudante sira.