UNPAZ-FSP ABERTURA EXAME RELATORIU PAK I BA ESTUDANTE SEMESTER V

UNPAZ-FSP ABERTURA EXAME RELATORIU PAK I BA ESTUDANTE SEMESTER V

Dili-Universidade da Paz (UNPAZ) liuhusi Fakuldade Saúde Públika hala’o serimonia abertura exame relatoriu Pratika Atividade Kampu I (PAK) ba estudante semester lima, ho total estudante hamutuk, atus tolu, rua nulu resin lima (325) ne’ebé kompostu husi Departamentu 6, Departamentu Saúde Ambiental, Ciénsia Epidemilogia, Jestaun e Politika saúde, Saúde Reprodutiva, Biostatistikae Informasaun Saúde, iha Salaun FSP (30/04).

Vice Dekanu I Asuntu Akadémiku, Sr. Oscar Seixas da Cruz, Lic. SP.,MSP. ne’ebé reprezenta Dekanu FSP, hateten, agradese ba ita hotu ne’ebé mak ohin ita hamutuk iha fatin ne’e, tanba durante semana rua ita bo’ot sira husik hela kampuz, ba hala’o atividade pratika iha kampu, ohin ita hamutuk iha ne’e para finaliza exame pratika ba primeiru nian.

“Atividade Partika Kampu (PAK), hanesan prosesu ida ne’ebé presiza duni tenki halo, ne’e obrigatoriamente bazeia ba ita nia sistema ne’ebé mak iha katak, estudante ne’ebé tama ona iha semester V tenki halo pratika iha kampu, tanba ne’e mak husik ita bo’ot sira durante semana rua hodi halo rekolla dadus bazeia ba programa ne’ebé mak iha”,katak Vice Dekanu I Asuntu Akadémiku, Sr. Oscar.

Nia salienta, ita bo’ot sira ohin exame bazeia ba sistematika iha matadalan ne’ebé mak ita bo’ot sira iha, hodi hakerek ona relatoriu, husu ba ita bo’ot sira atu bele partisipa masimu iha prosesu exame ne’e, tanba sei iha perguta husi ezaminador sira, tanba ne’e ita bo’ot sira tenki resposabilza ba relatoriu ne’ebé mak ita bo’ot sira hakerek.

Partisipa iha abertura ne’e, Vice Dekanu I Asuntu Akadémiku, Sr. Oscar Seixas da Cruz, Lic. SP.,MSP. Ho Estrutura tomak, nomós estudante sira.