UNPAZ-FSP ABERTURA BA EXAME RELATORIU PAK

UNPAZ-FSP ABERTURA BA EXAME RELATORIU PAK

Dili-Universidade Da Paz (UNPAZ)liuhusi Fakuldade Saúde Públiku hala’o serimónia abertura ba exame relatoriu pratika atividade kampu (PAK), iha aula multifunsaun FSP(16/09)

Dekanu Fakuldade Saúde Públika, Sr. Martinus Nahak Lino, AMKL, Lic. Sp. M. AP. hateten, husu ba estudante sira hotu atu bele tuir prosesu ida ne’e ho di’ak, tanba dosente sira atu fó exame ba imi, bazeia ba dokumentus ne’ebé imi hakerek, sira ne’ebé liu ona prosesu administrativu sira nia valór sei sai, sira ne’ebé sedauk liu prosesu administrativu valór sedauk bele sai, tamba ne’e husu koperasaun tomak ba prosessu sira ne’e hotu.

“Parabens ba imi hotu tanba imi kumpri dever ne’e ho susessu tomak ba imi grupu 8 ne’ebé mak atu realiza imi nia exame”,dehan Dekanu FSP, Sr. Martinus Nahak.

Partisipa iha abertura exame relatoriu ne’e, Dekanu Fakuldade Saúde Públika, Sr. Martinus Nahak Lino, AMKL, Lic. Sp. M. AP. Ho estrutura tomak, nomós estudante sira.