UNPAZ-FINALISTA 1.092 HUSU MISA AGRADESIMENTU MOLOK HAKAT BA GRADUASAUN

#UNPAZ# 26 DEZEMBRU 2021
UNPAZ-FINALISTA 1.092 HUSU MISA AGRADESIMENTU MOLOK HAKAT BA GRADUASAUN

Dili-Universidade da Paz (UNPAZ) nia Finalista rihun ida sia nulu resin rua (1.092) hamutuk ho estrutura tomak no familia hodi husu misa agradesimentu molok hakat ba graduasaun 27-29 tinan akadémiku 2021, iha Salaun José Kasimiru (26/12).

Amu Manuel Pinto, SVD. Hateten iha omilia ne’ebé liga ho tema jeral ba misa agradesimentu ba graduadu/a sira ba Lisensiatura iha Universidade da Paz, Prontu Atu Halo Inovasaun No Kreatividade iha Tempu Pandemia Covid-19, husi tema jeral ne’e, mak tenki haksolok alegria no satisfas, tamba aban atu hakat ba graduasaun.

Dosente sira nia dedikasaun no sakrifisiu no servisu ne’ebé exelente mak motivia estudante sira hodi determina sira nia estudu iha fatin ida ne’e, ba estudante sira haksolok alegria no satisfas, husi imi nia pasiensia no buat ne’ebé trasforma imi sai ajente ne’ebé intelektual, kompetitor, servidor, dedikador no kretikador.

”Husi karakter ida ne’e bele influensia no dezenvolve sosiedade humana, maibe trasforma ne’e tenki hahú husi imi ida-idak nia a’an rasik familia no sosiedade, ho ida ne’e mak sei sai pontu de terminasaun ba imi nia kualidade”, tenik Amu Manuel.

Aliende ne’e, Magnifiku Reitór Universidade da Paz, Dr. Adolmando Soares Amaral,m Lic.Eco.,MM. hateten iha misa agradesimentu ne’e, depois de gradua hotu labele aumenta numeru dezempregu, maibe ita hotu kaer ba lema kreativu no inovativu ho jestu ne’ebé iha, tenki matenek no sai badaen ne’ebé di’ak, tenki mai ho atitude ne’ebé di’ak iha sosiedade.

Nia hatutan, ita bo’ot sira matenek no jestu ba badaen ne’ebé di’ak no mai ho atitude ne’ebé di’ak iha sosiedade, mak la persija servisu iha governu no estadu, maibe ita bele fó kontribuisaun ba moris di’ak povu ida ne’e, no dezenvolvimentu ba rai ida ne’e liuhusi maneira ne’ebé la hanesan.

”Husu ba ita hotu buka atu hakman problema ba governu no estadu, muda ita hotu nia hanoin husi parte ida ne’e, ita la’os ba ukun, maibe ita atu ba servi, ita ba servi mak ha’u fiar katak, iha loron ruma ita nia povu moris di’ak, dezenvolvimentu ba rai ne’e mós la’o di’ak”,dehan Reitór.

Misa agradesimentu ba Graduadu/a sira iha Kampus UNPAZ ne’e, diriji husi Amu Juvito do Rego, no Amu Manuel Pinto, SVD. No Partisipa husi Magnifiku Reitór Universidade da Paz, Dr. Adolmando Soares Amaral,m Lic.Eco.,MM. ho Estrutura tomak, kompostun husi Pro Reitor sira, Dekanu Fakuldade Neen, Xefe Departamentu sira Diretór/a Unidade sira Dosente Funsionariu, Komvidadus, inklui Graduadu/a sira.