![UNPAZ-FCSH REALIZA ATIVIDADE ELEISAUN BA XEFE SENADU ESTUDANTIL TINAN 2023.](https://unpaz.tl/asset/foto_berita/01.jpg)
UNPAZ-FCSH REALIZA ATIVIDADE ELEISAUN BA XEFE SENADU ESTUDANTIL TINAN 2023.
Dili-Universidade da Paz (UNPAZ) liuhusi Fakuldade Ciensias Sociais Humana, realiza atividade eleisaun ba xefe senadu estudantil ba tinan akadémiku 2022-2023 hodi nune’e bele hala’o kontinua planu ne’ebé mak iha fakuldade nia laran, iha Salaun José Casemiro (22/09).
Primeiru Vise Dekanu FCSH, Sr. Samuel Carlos Ribeiro, ShT.,M. AP. Hateten, Kandidatu ba iha xefe senadu estudantil iha imi na’in tolu, aprezenta saida mak imi iha, la’os kestaun ba manan ka lakon, maibe imi na’in tolu ninia komitmentu ne’e, hakarak kontribui ba iha dezenvolvimentu ba rekursu humanu iha Fakuldade Ciensias Sociais Humana, iha universidade da paz, hodi nune’e ita bo’ot sira sei aprende no aprende mós ba malu iha fakuldade ida ne’e nomós kolega sira iha fakuldade sira seluk, nune’e ita bo’ot sira kuandu fila fali husi fatin ida ne’e, ita bo’ot sira iha ona modal atu bele dezenvolve ita bo’ot sira nia rain hahu husi ita nia an rasik ba familia no ba nasaun ida ne’e.
Nia hatutan, ita bo’ot sira hato’o planu, saida mak ita bo’ot haree no saida mak ita bo’ot atu halo, buat sira ne’e hato’o iha ne’e, hodi nune’e ita bo’ot nia maluk sira bele rona katak, sira na’in tolu ne’e aprezenta atu kontinua halo saida mak planu hela iha fakuldade, hodi bele halo dezenvolve liu tan rekursu humanu ho di’ak.
“Imi mai iha ne’e la’os estuda de’it teoria maibe imi mós bele sai estudante ne’ebé mak kreativu nakonu ho hanoin ne’ebé inovativu atu nune’e, bainhira imi fila husi fakuldade ida ne’e husi universidade ida ne’e, ba liur ne’eba ema sei haree imi nia kreatividade no saida mak imi nia pensamentu, liuhusi atividade sira, mak ema dehan estudante ida ne’e, nia iha matenek iha teoria barak nomós nia iha kreatividade halo atividades oioin inklina an iha atividades oioin no nia iha esforsu hodi bele organiza”,dehan Nia.
Parabens ba imi hotu, tanba bele mai partisipa kampana agora, depois de ida ne’e iha oras balu ita bo’ot sira sei hato’o programa balu, kampaña ida ne’e la’os atu sai membru parlamentu ka atu sai prezidente ka, maibe imi atu servi ba balu entre imi ho universidade no maluk sira iha fakuldade Ciensias Sociais Humana, Vise salienta.
Nia reforsa, durante ne’e imi nia kolega ka imi nia maun nu’udar xefe senadu estudantil ninian, nia halo ona nia parte nu’udar xefe senadu ho nia ekipa hodi bele organiza eventu sira liliu ba iha desportu ninian, no aktividade extra kurikuler sira seluk, hodi nune’e bele kordena ho vise dekanu asuntu estudantil, atu nune’e bele liga informasaun ka komunika di’ak ho estrutura fakuldade atu hala’o planu saida iha fakuldade liuliu liga ba atividade estudantil ninian.
Entretantu kandidatu na’in tolu husi fakuldade Ciensias Sociais Humanira mak haesan, Atanasia N.N.S. de Jesus, husi departamentu Relasaun Internasional. Nelson Borges Barreto, husi Departamentu Estudu Desenvolvimentu. Aliança de Jesus A. dos Santos, husi Departamentu Administrasaun Públika, no Partisipa iha atividade refere, Primeiru Vise Dekanu FCSH, Sr. Samuel Carlos Ribeiro, ShT.,M. AP. Nomós Estudante sira hotu.