![UNPAZ-FCSH HALO SERIMONIA DESPEDIDA ESTUDANTE NAIN 6 NO BENVINDU ESTUDANTE NAIN 5](https://unpaz.tl/asset/foto_berita/5.png)
UNPAZ-FCSH HALO SERIMÓNIA DESPEDIDA ESTUDANTE NA’IN 6 NO BENVINDU ESTUDANTE NA’IN 5
Dili-Universidade da Paz (UNPAZ) liuhusi Fakuldade Ciénsia Sociais Humana, hala’o serimónia despedida ba estudante na’in neen ne’ebé dia 13 Setembru 2022 sei desloka ba iha Alemanha, nomós benvindu ba estudante na’in lima ne’ebé fila husi Alemanha, iha Aula Prof. Dr. Lucas da Costa (09/08).
Xefe Departamentu Relasaun Internasional, Sr. Françisco Maia, Lic.CSH.,MDS. hateten atividade ida ohin ne’e, raliza husi fakuldade Ciencia sosiais humana, hamutuk ho programasaun nomós reprezentante husi Uniaun Europeia atu halo despedida ba ita nia estudante na’in 6, ne’ebé mak hili ona atu tuir programa ERASMOS iha Alemanha setembru.
“Ohin konvida inan aman, reprezentante husi Uniaun Europeia atu bele halo despedida ba estudante na’in 6 ne’ebé atu desloka ba Alemanha, aumesmu tempu benvindu mós ba estudante na’in 5 ne’ebe mak fila ona husi Alemanha iha fulan kotuk liu ba”,dehan Sr. Françisco.
Partisipa iha serimónia ne’e, Magnifiku Reitór Universidade da Paz, Dr. Adolmando Soares Amaral, Lic. Eco. MM. Reprezentante husi komisaun Europeia, Vise Reitór sira, Xefe Departamentu, inan aman sira, Vise Dekanu sira, Dosente, Funsionariu, inklui estudante sira.