![UNPAZ-FCSH HALO ABERTURA BA EZAME OBRA SIENTIFIKU](https://unpaz.tl/asset/foto_berita/12.png)
UNPAZ-FCSH HALO ABERTURA BA EZAME OBRA SIÉNTIFIKU
Dili-Universidade da Paz (UNPAZ) liuhusi Fakuldade Siensia Sosiais Humaniora hala’o abertura ba seminariu proposta peskiza no ezame obra siéntifiku, tinan akadémiku 2021-2022, Departamentu Relasaun Internasional, Polítika Dezenvolvimentu no Estudu ba Paz, iha Aula FCSH (24/05).
Dekanu Fakuldade Siensia Sosiais Humaniora, Dr. Fernando Diaz Gusmão, AMd, M.AP. hateten, obra siéntifiku buat ida ne’ebé mak estudante finalista sira tenki halo kuandu atu rema estudu iha Universidade, kada tinan tinan Fakuldade sira hotu sempre halo seminariu ba proposta obra siéntiku ida ne’e, ba sira ne’ebé prontu ona atu aprejenta ba dosente ezaminador sira.
Objetivu peskiza ne’e atu responde ba problema ne’ebé mak ita bo’ot sira identifika, iha ona problema ita ba halo peskiza para deskobre situasaun lolo’os ne’e oinsa, komesa agora ita tenki hadia buat ida kualidade ne’e neneik neneik ita tenki duni ida ne’e ba beibeik, para ita bo’ot sira remata husi Fakuldade ida ne’e, ita nia Universidade mós ita bo’ot sira iha orgullu, katak lafasil atu hetan titulu ida lisensiatura.
“Tenki iha kapasidade para aban bairua tun ba iha sosiedade ne’e bele kompete, tamba agora ema matenek barak, tanba graduadu sira husi Universidade kada tinan tinan aumenta ba beibeik, ho ida ne’e ita bo’ot sira tenki iha kapasidade”,Informa Nia.
Entretantu iha abertura ne’e loke diretamente husi, Dekanu Fakuldade Siensia Sosiais Humaniora, Dr. Fernando Diaz Gusmão, AMd, M.AP. nomós akompaña husi estrutura sira husi FCSH, inklui Estudante sira.