![UNPAZ-FAKULDADE TOLU REALIZA TOMADA DE POSSE BA SENADU FOUN](https://unpaz.tl/asset/foto_berita/49.jpg)
UNPAZ-FAKULDADE TOLU REALIZA TOMADA DE POSSE BA SENADU FOUN
Dili-Universidade da Paz (UNPAZ) liuhusi Fakuldade tolu hanesan Fakuldade Direitu, Fakuldade Ciensia Sociais Humana no Fakuldade Enjeñaria, hala’o serimónia toma de posse ba estrutura senadu estudantil tinan akadémiku 2022-2023, iha Salaun Jose Casimiro UNPAZ (02/10).
Magnifiku Reitór Universidade da Paz, Dr. Adolmando Soares Amaral, Lic.Eco.,MM. hatetn atividade estudante ita bo’ot sira tenki aprende hahu husi ne’eba, jestu ka tipu de lideransa ne’e, ita bo’ot sira kuandu hahu husi atividade organizasaun sira hanesan ne’e, maka ita bo’ot sira foin organiza an la’o ba oin.
Nia hatutan kestaun ohin ami hamrik iha ne’e no imi iha ne’eba, tanba tempu de’it, ami horseik ita bo’ot sira foin ohin, se ita hotu horseik karik, ohin ita hotu iha ne’e mai, imi la iha ne’eba, ida ne’e natureza mak hanesan ne’e ona, ida horseik iha responsabilidade atu fahe ba ita bo’ot sira ohin, no ita bo’ot sira iha responsabilidade atu fahe tutan iha tempu sira tuir mai.
Apresia no obrigadu ba senadu eleitu nomós sesante sira ne’ebé mak durante kontribui ona buat barak ba universidade, liuhusi programa estudante nian iha fakuldade, Universidade da Paz labele ema ida, tenki ita hotu-hotu hamutuk mak lori universidade ne’e ba oin, Tenik Reitór UNPAZ.
“Ita hotu ne’ebé iha ne’e, ita sempre bolu familia bo’ot universidade da Paz, ha’u hanoin tinan lima, tinan sanulu ba oin ona, ita labele hanoin ona ita familia bo’ot Universidade da Paz, maibe Universidade da Paz mai ho natureza ida katak, Universidade da Paz ne’e pais nian ona, bainhira ema ko’alia timor-leste, liuliu kontesktu ensinu superior, maka Universidade da Paz tenki pais nian”,katak Reitór.
Dekanu FCSH, Dr. Fernando Dias Gusmão. A. MD. S. IP. M. AP. hateten ita iha universidade fatin ba ita atu aprende siensia liuhusi atividade akadémiku ninian, no aprende atu moris iha organizasaun, tama iha estrutura senadu estudantil sira iha nivel universidade no nivel fakuldade inklui nivel departamentu.
“Ohin momentu importante ida ba iha ita nia Universidade da Paz, liuliu ba iha Fakuldade tolu, tanba ita konsege realiza serimónia toma de posse ba estrutura foun, nomós agradese ba senadu tuan sira ne’ebé durante ne’e hala’o ona sira nia kna’ar hodi organiza no krdena ho maluk sira iha atividade bar-barak”,dehan Dekanu FCSH, Dr. Fernando.
Terseiru Vise Dekanu, Sr Afonso Soares, Lic Dir.,M.Dir. agradese ba senadu sesante husi Fakuldade tolu nia servisu durante ne’e, ba senadu eleitu kna’ar ne’ebé ita bo’ot sira simu ne’e tenki ho responsabilidade, tanba ne’e imi, nafatin kolabora iha atividade sira, tanba ne’e ami na’in hira iha ne’e prontu atu apoiu imi.
Senadu Sesante, Cornelio Dias Quintas, ne’ebé reprezenta senadu na’in tolu, hateten dalan ikus no nia ninin mak ne’e, hodi hato’o liafuan badak katak, durante ami organiza durante tinan ida, nakonu ho dezafius oin-oin, maibe agradese tanba iha estatutu hatur ona, tenki iha senadu, no husi estatutu ida ne’e mak ami fó apresiasaun no obrigadu barak, tanba estudante sira iha komfiansa hodi hili ami hamutuk ho estrutura fakuldade nian hodi organiza atividade no hato’o estudante sira nia preokupasaun.
“Maske programa balu ami la halo, maibe ami husu deskulpa, maibe ami servisu ho fuan ba fakuldade, husi imi ami bele aprende buat barak, husi imi ami hetan esperiensia barak, no husi imi ami hodi organiza, oinsa organiza estudante no oinsa hakna’ar an iha organizasaun sira, nune’e ba futuru ne’ebé di’ak”,Informa Nia.
Senadu Eleitu, Olavio Dircio Jeronimo Hornay, ne’ebé reprezenta Senadu eleitu na’in tolu, iha nia diskursu hateten, ohin ita jura no promete ona ba universidade no fakuldade, ita hein de’it 24 horas universidade nia presija no fakuldade nia presija, prontu atu kopera, la’os sai ona senadu ita toba de’it iha uma, depois ema barak mak halerik, tanba ne’e atu atividade atu la’o ka la’o iha ita nia liman.
Entretantu iha serimónia tomada de posse ba senadu estudantil husi Fakuldade tolu ne’e, loke diretamte husi, Dekanu Fakuldade Enjeñaria Sr. José Manuel Maniquin, Lic. Eng.,M. Eng. no hetan partisipasaun husi, Magnifiku Reitór Universidade da Paz, Dr. Adolmando Soares Amaral, Lic.Eco.,MM. ho estrutura tomak, Dekanu Dekanu FCSH, Dr. Fernando Dias Gusmão. A. MD. S. IP. M. AP. Vise Reitór sira, nomós Vise Dekanu sira hotu husi Fakuldade Neen, Dosente, Funsionariu inklui Estudante sira.