UNPAZ-FAKULDADE TEKNOLOGIA AGRIKOLA HO CRS-TL REALIZA SEMINARIU

UNPAZ-FAKULDADE TEKNOLOGIA AGRIKOLA HO CRS-TL REALIZA SEMINARIU

Dili-Universidade da Paz (UNPAZ) liuhusi Fakuldade Teknologia Agrikola ne’ebé servisun hamutuk ho Catholic Relief Service Timor-Leste (CRS-TL) hala’o seminariu ho tema Training Prosessamentu Diversifikasaun ba Produtu Lokal, iha Aula prof. Dr. Lucas da Costa (17/02).

Dekanu Fakuldade Teknologia Agrikola, Sr. Joni dos Santos, Lic. Tec.,Agr.,M. Agr. apresia ba (CRS-TL) bele organiza atividade ida ne’e nomós fasilita estudante sira, liu-liu kontribui ba prosesu dezenvolvimentu iha área ai-han nian.

“Seminariu ki’ik maibe ita eziji nia utilidade ba ita bo’ot sira nia futuru, ita estuda la’os hakarak atu tur iha parte governu nian no instituisaun sira, maibe ita koko atu haklean ita nia koñesimentu no matenek liuhusi esperiensia, ita mós koko kria servisu ba ita nia aán rasik nomós ba ema seluk”,katak Nia.

Dekanu reforsa, ita bo’ot sira ne’ebé akompña seminariu ne’e la’os atu haree de’it, maibe ita haree atu sai hanesan motivasaun external mai ita rasik, nune’e nia finalidade husi atividade ida ne’e ba ita nia futuru ne’ebé di’ak.

Aliende ne’e, Project Manajer CRS-TL, Sr. Jose Maia alves Ornai, salient, programa ida ne’e ita lori voluntariu sira mai suporta ita nia tós na’in sira iha ita nia Universidade, Instuisaun sira seluk nomós ita nia sosiedade sira.

“Programa ne’e halo, oinsa bele kapasita alin sira nomós promove alin sira liuhusi formasaun real ne’ebé iha, saida mak hetan iha Universidade bele aplika ba ita hotu iha fatin ne’e”,dehan Nia.

Partisipa iha seminariu ne’e, Dekanu Fakuldade Teknologia Agrikola, Sr. Joni dos Santos, Lic. Tec.,Agr.,M. Agr. ho Estrutura tomak, Project Manajer CRS-TL, Sr. Jose Maia alves Ornai, ho ekipa, inklui Estudante sira iha UNPAZ.