UNPAZ-FAKULDADE ENJEÑARIA SEMANA OIN PROSESU APRENDISAJEN LA’O NORMAL
Dili-Universidade da Paz (UNPAZ), nia Fakuldade Enjeñaria semana oin prosesu aprendisajen ba estudante semester impar ba tinan ida ne’e sei hahú la’o normal, iha edifisiu Enjeñaria (19/01).
Vice Dekanu Asuntu Akadémiku, Sr. Domingos Santos Soares, Lic. Tec.,M. ARS, hateten prosesu aprendisajen ba iha Fakuldade Enjeñazria, agora dadaun iha etapa ida ba preparasaun nian, tanba estudante sira sei prosesu hela binbin KRS nian no selu propinas, husi parte akadémiku nian agora prepara hela horariu ba prosesu aprendisajen ne’ebé atu hahú iha semana oin.
“Ami garantia katak, Semana oin prosesu aprendisajen bele la’o normal ona ba estudante semester impar nian”, tenik Vice Dekanu Asuntu Akadémiku, Sr. Domingos.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
