![UNPAZ-FAKULDADE ENJENARIA HETAN VIZITA HUSI DEKANU ENJENARIA UNIVERSITAS NUSA CENDANA KUPANG](https://unpaz.tl/asset/foto_berita/123.jpg)
UNPAZ-FAKULDADE ENJEÑARIA HETAN VIZITA HUSI DEKANU ENJEÑARIA UNIVERSITAS NUSA CENDANA KUPANG
Dili-Universidade da Paz (UNPAZ) Fakuldade Enjenñaria hetan vizita husi Dekanu Fakuldade Siensia Enjeñaria, Universitas Nusa Cendana Kupang, Prof. Philiphi De Rozari, S.Si,M.Si.,M.Sc,Ph.D, hodi halo diskusaun hamutuk ho Dekanu Fakuldade Enjeñaria UNPAZ ho Estrutura, atu estabelese kooperasaun, nune’e bele servisu hamutuk iha futuru, iha Aula Enjeñaria (24/10).
Dekanu Fakuldade Enjeñaria Sr. José Manuel Maniquin, Lic. Eng.,M. Eng. hateten, ohin hetan vizita ida husi, Universitas Nusa Cendana Kupang, ne’ebé lidera husi Dekanu Fakuldade Siensia Enjeñaria, Prof. Philiphi, mai iha UNPAZ, hodi halo aprosimasaun ho Fakuldade Enjenñaria UNPAZ, nune’e bele estabele kooperasaun hamutuk entre parte rua ne’e, liuliu ba iha Fakuldade Enjenñaria UNPAZ, ho Fakuldade Enjenñaria Universitas Nusa Cendana Kupang, hodi servisu hamutu iha futuru oin mai.
“Iha diskusaun ne’e, asuntu ne’ebé atu estabelese iha futuru maka, peskiza hamutuk, troka estudante husi Fakuldade Enjenñaria mós bele ba iha ne’eba, no sira nian mós bele mai iha ne’e, nomós troka hanoin entre, dosente Fakuldade Enjenñaria UNPAZ ho Dosente Fakuldade Enjenñaria Nusa Cendana Kupang”,dehan Dekanu Fakuldade Enjeñaria Sr. José Manuel Maniquin.
Nia hatutan, Fakuldade Enjenñaria, kontente tebes ho aprosimasaun ida ne’e, tanba mai diretamente husi Dekanu Fakuldade Siénsia Enjeñaria, Nusa Cendana Kupang, espera katak iha tempu badak ita bele, realiza asina MoA hamutuk, tanba MoU Universidade asina ona iha fulan kotuk.
Partisipa iha diskusaun ne’e, Dekanu Fakuldade Enjeñaria Sr. José Manuel Maniquin, Lic. Eng.,M. Eng. ho Estrutura Fakuldade, ne’ebé kompostu husi Vise Dekanu nomós Xefe Departamentu sira, Dekanu Fakuldade Siensia Enjeñaria, Universitas Nusa Cendana Kupang, Prof. Philiphi De Rozari, S.Si,M.Si.,M.Sc,Ph.D, ho Ekipa.