![UNPAZ-FAKULDADE EKONOMNIA REALIZA SEMINARIU HO UNIVERSITAS HAYAM WURUK PERBANAS INDONESIA](https://unpaz.tl/asset/foto_berita/WhatsApp Image 2022-09-30 at 06_45_58.jpeg)
UNPAZ-FAKULDADE EKONOMNIA REALIZA SEMINARIU HO UNIVERSITAS HAYAM WURUK PERBANAS INDONESIA
Dili-Universidade da Paz (UNPAZ) liuhusi Fakuldade Ekonomia nia Departamentu Bankaria hala’o seminariu hamutuk ho Universitas Hayam Wuruk Perbanas (UHWP) liuhusi Zoom, iha Aula Ekonomia (28/09).
Xefe Departamentu Bankaria, Sra. Imelda Maria Fidelia Quim, Lic.Eko.MM. hateten planu ida husi Universidade da Paz, liuliu iha Fakuldade Ekonomia, Departamentu Bankaria, hakarak atu servisu hamutuk ho Universitas Hayam Wuruk Indonesia ninian, atu bele fasilita laboratorium ba estudante sira ne’ebé maka aprende iha departamentu bankaria, tamba ho razaun katak durante estudante sira aprende de’it teoria husi primeiru semester to’o iha semester ikus, maibe sira nunka aprende saida mak sira bele halo bainhira sira remata husi departamentu ida ne’e.
Nia hatutan, iha kurikulum ne’e rasik iha materia ida hanaran pratika mini banku, katak estudante sira halo pratika kona-ba saida mak operasaun ou klala’ok banku nian ne’ebé mak hala’o durante loro-loron.
“Ami hamosu inisiativa ida katak, ita servisu hamutuk ida ne’e hodi bele fasilita estudante sira liuliu iha departamentu bankaria, hodi bele aprende di’ak liu tan lala’ok ou servisu banku nian iha terenu”,dehan Xefe Departamentu Bankaria, Sra. Imelda.
Partisipa iha atividade ne’e, Dekanu Fakuldade Ekonomia Dr. Alexandre de Sousa Guterres Lic. Eco,. MM. Xefe Departamentu Bankaria, Sra. Imelda Maria Fidelia Quim, Lic.Eco.MM. ho Estrutura tomak iha Fakuldade Ekonomia.