UNPAZ-FAKULDADE EKONOMIA REALIZA TREINAMNETU BA ESTUDANTE SIRA
Dili-Universidade da Paz (UNPAZ) nia Fakuldade Ekonomia ne’ebé servisu hamutuk ho Banku ANZ hodi realiza treinamentu kona-ba MoneyMinded ba estudante husi Departamentu Bankaria, Kontabilidade Jestaun no Empreendedorismu, iha Aula Fultifunsaun Fakuldade Ekonomia (26/02).
Vice Dekanu I Fakuldade Ekonomia, Sr. Jose da Silva Lic.,MM. hateten treinamentu ne’e ita hala’o servisu hamutuk ho Banku ANZ ho UNPAZ liu-liu iha koperasaun, oinsa atu fasilita estudante sira kona-ba MoneyMinded, atu bele jere osan sira ne’ebé iha.
Nia hatutan, treinamentu ida ne’e sei hala’o tinan tinan, kada semana bele dala rua/dala tolu, ohin ita halo abertura ba treinamentu refere, fasilitador sira ema ne’ebé mak iha esperiensia duni ne’ebé servisu iha Banku.
“Treinamentu ida ne’e bele aumenta tán esperiensia ba estudante sira iha área refere, la’os aprende de’it iha téoria, maibe pratikamente sira bele haree diretamnete oinsa utilizasaun osan”,dehan Nia.
Partisipa iha treinamentu ne’e, Vice Dekanu I Fakuldade Ekonomia, Sr. Jose da Silva Lic.,MM. nomós Fasilitador, (Suport Officer Resouce)Sra.Maria Fernandes. Anylisis Of Comercial Lending), Sra. Julia Barreto.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
