UNPAZ-FAKULDADE EKONOMIA REALIZA ELEISAUN BA XEFE SENADU ESTUDANTIL FOUN PERIODU 2023.

UNPAZ-FAKULDADE EKONOMIA REALIZA ELEISAUN BA XEFE SENADU ESTUDANTIL FOUN PERIODU 2023.

Dili-Universidade da Paz (UNPAZ) liuhusi fakuldade ekonomia realiza atividade eleisaun ba xefe senadu estudantil foun ba tinan akadémiku 2022-2023 hodi nune’e bele kontinua hala’o atividade ne’ebé mak planu hela iha fakuldade nia laran, iha Salaun José Casimiro (15/09).

Vice Dekanu Fakuldade Ekonomia, Sr. Jose da Silva, Lic. Eco.,MM. ne’ebé reprejenta Dekanu fakuldade ekonomia, agradese ba estudante hotu nia kontribuisaun no vontade tomak hakark mai partisipa iha eventu ida ne’e, hodi bele rona na’in kandidatu na’in tolu ne’ebé mak atu fó sai sira nia programa kona-ba papel senadu nian, sira nai tolu sei bele kaer xefe senadu tanba sei ho semester ne’ebé naton nomós iha esperensia uituan liliu kona-ba aktividade ne’ebé sempre akontese iha universidade, sira sempre ativu no suporta masimu ba fakuldade hodi nune’e hakarak involve a’an iha senadu ba tinan 2022 no 2023.

“Atu sai sanadu la’os fasil maibe responsabilidade bo’ot ida, ne’e inisiu ba forma ita bo’ot nomós lideransa ne’ebé di’ak ba futuru no labele gaba a’an lai, bainhira ita bo’ot sira sai hanesan xefe senadu tanba buat ruma iha fakuldade nomós iha universidade ida ne’e bainhira ita bo’ot nia prezensa mak seidauk di’ak hatudu ita bo’ot nia kriativu ida ba universidade ida ne’e karik di’ak liu halo tuir de’it ita bo’ot sira nia kna’ar, ita bo’ot sira nia responsabilidade hodi nune’e bele sai ezepmlu di’ak ba maluk sira seluk ne’ebé mak sei hakarak hakat mai iha ne’e liuliu ba ita nia alin sira”,dehan Vise Dekanu.

Nia hatutan, sanadu ne’ebé mak liderana tinan liu ba buat barak mak sira konsege hala’o no buat barak mak sira la konsege hala’o no sira sempre kolabora ba dezenvolvimentu universidade nian liu-liu fakuldade ekonomia nomós kolabora ho fakuldade seluk no parte husi externa ou interna ita nia parseiru sira, ita nia maluk sira hodi nune’e ita nia hamutuk hodi bele lori universidade ida ne’e rekonese liu tan husi ema ne’ebé la hatene kona-ba ita nia vizaun ho misaun ho ita nia objetivu lolo’os.

Karik ita boot na’in tolu ne’ebé mak eleitu se mak menan no se mak lakon, presiza ita unidade nafatin hadi hala’o objetivo tomak tuir ita nia planu, menan hakuak malu nafatin lakon mós ita hakuak malu nafatin, maibe tranparansia ho kna’ar fatin ida ne’e responsabildade ne’ebé mak tau ita bo’ot nia kabas nafatin kaer metin ita nia lema reforma ho kualidade tuir jerasaun foun, ita bo’ot sira ho idade ida ne’ebé mak foinsa’e hatudu ita bo’ot sira nia konportamentu tuir ita bo’ot sira nia idade ne’ebé mak iha agora, informa Nia.

Entretantu kandidatu na’in tolu husi fakuldade ekonomia mak hanesan. Elisio da silva freitas husi Departamentu Jestaun. João Bosco Viano husi, Departamentu Bancaria. Gemirino da costa husi, Departamentu kontabilidade.

Partisipa iha atividade refere, Vice Dekanu Fakuldade Ekonomia, Sr. Jose da Silva, Lic. Eco.,MM. ho estrutura, inklui estudante sira.