UNPAZ-FAKULDADE EKONOMIA ABERTURA EZAME OBRA SIENTIFIKU

UNPAZ-FAKULDADE EKONOMIA ABERTURA EZAME OBRA SIENTIFIKU

Dili-Universidade da Paz (UNPAZ) liuhusi Fakuldade Ekonomia hala’o serimónia abertura ezame Obra Sientifiku ba dala XIX Tinan Akadémiku 2023 ba departamentu haat, Jestaun, Kontabilidade, Bankaria no Emprendedorsimu, ho tema Hasa’e Kualidade Rekursu Humanu Liu Husi Hakerek, Analiza no Interpretasaun, iha Aula Fakuldade Ekonomia (05/10).

Dekanu Fakuldade Ekonomia, Dr. Alexandre de Sousa Guteres, Lic. Eco.,MM. hateten ohin nu’udar momentu importante ida ba finalista sira hein no dosente orientadór sira hein katak, ita tama ba Obra sientifiku ba prosesu ikus husi finalista sira-nia estudu, tanba ne’e, finalista sira katak, ita hela de’it semana tolu, tanba tuir desizaun husi universidade katak, dia 30 agora tama ba judisium no dia 08 graduasaun, ho ida ne’e ita bo’ot sira tenki haka’as an para bele finaliza lalais ezame.

“Husu ba dosente orientadór sira atu ajuda estudante sira ho laran no onestu ba estudante finalista sira bele finaliza lalais sira-nia hakerek tuir tempu ne’ebé mak iha, tanba ne’e ba estudante sira mós tenki haka’as an atu bele hakerek lalais ba ezame, tanba tempu badak ona atu remata”,dehan Dekanu Ekonomia Dr. Alexandre.

Iha ezame dahuluk iha abertura ne’e, Finalista Isabel Melo da Costa Barros, husi Departamentu Jestaun Fakuldade Ekonomia Universidade da Paz, titulu “Influensia Esperiensia Servisu No Motivasaun Servisu Ba Desenpenu Funsionariu Diresaun Nasional Aprovisionamentu Ministerio Interior”.

Entretantu iha serimónia abertura ezame obra sientifiku ne’e, loke direta husi Dekanu Fakuldade Ekonomia, Dr. Alexandre de Sousa Guteres, Lic. Eco.,MM. partisipa husi Estrutura Fakuldade, Dosente no Estudante sira.