UNPAZ-FAKULDADE DIREITU REALIZA ATIVIDADE SEMINARIU

#UNPAZ# 19 NOVEMBRU 2021

UNPAZ-FAKULDADE DIREITU REALIZA ATIVIDADE SEMINARIU

Diliu-Universidade da Paz (UNPAZ) liuhusi Fakuldade Direitu hala’o atividade seminariu ne’ebé hetan orador prinsipal husi Ir. Mariano Sabino Asanami Lopes, S.Sos, hodi ko’alia kona-ba tema Jeral "Papel Intelektual Ba Konstrusaun Estadu Timor-Leste, iha Salaun José Kasimeiru UNPAZ (19/11).

Ir. Mariano Sabino Asanami Lopes, S.Sos, nu’udar oradór ba atividade refere hateten, primeiru ha’u mai iha fatin ida ne’e, relembra fila fali, oinsa ita luta para hari’i Universidade da Paz, tanba ne’e obrigatori ba UNPAZ tau a’an hanesan lutador ba fatin, husi dosente to’o estudante sira, tanba ita luta mak hari’i Universidade ida ne’e.

Nia hatutan, atu dehan de’it Universidade ne’e rasik hari’i ho prosesu luta, maibe ita orgullu ho ida ne’e tanba bele hahoris, tanba Reitór rasik rezultadu husi Universidadeida ne’e, ikus nia hasai Doutoramentu hodi sai Reitór iha UNPAZ ne’e ita nia orgullu, nomós Dosente lubuk ida husi ne’e agora sai governu deputadu iha seitor públiku no privadu sira, nomós intelektual lubuk ida kontribui nafatin iha fatin-fatin.

"Imi presija mehi, intelektual tanba imi le’e barak aprende barak, imi hare’e sofrementu oi-oin ne’e aprende, labele deha sofre ne’e nusa, sofre ne’e tenki hamrik, labele sofre ne’e tun tia toba tia tanis fali ba ema seluk, lapresija tanis ba ema seluk, hamrik la’o ne’e mak luta, joven halo sala labele tauk, tanba imi sei bele hamrik para hadia fali imi nia sala ne’e, husi sala mak imi kuriji para imi atu halo di’ak" tenik Ir. Mariano.

Realidade intelektual ne’e iha ne’e, iha konstrusaun estadu, responsabilidade intelektual mak ne’e hadia rai ida ne’e para rai ida ne’e tuir nafatin horoi 300 mil pesoas ne’ebé mate ba rai ida ne’e, imi sira ne’ebé intelektual imi sira ne’e mak jerasaun foun tenki foti para nasaun ne’e iha ran foun nafatin, nasaun tenki moris nafatin, Salienta Nia.

"Kampus tenki sai dapur ne’ebé tein bei-beik, ba planeamentu ba program estratéjiku, ba inovasaun no kreatividade ba nasaun ne’e moris, kampus tenki sai fatin ne’ebé sensibilidade bo’ot liu, winhira povu hamlaha povu terus inundasaun susar kona, kampus tenki iha oin para ko’alia ida ne’e" Nia haktuir.

Dekanu Fakuldade Direitu, Sr. Leonito Ribeiru, SH.,MH.,Dir (Cand) Reforsa, intelektual nia papel importante, tanba intelektual mak bele hanoin lisuk oinsa nasaun ida ne’e bele ba oin.

Partisipa iha atividade refere, Ir. Mariano Sabino Asanami Lopes, S.Sos, Dekanu