![UNPAZ-FAKULDADE DIREITU HALO SERIMONIA INSERAMENTU FORMASAUN JORNALISMU BAZIKU](https://unpaz.tl/asset/foto_berita/62.png)
UNPAZ-FAKULDADE DIREITU HALO SERIMÓNIA INSERAMENTU FORMASAUN JORNALISMU BAZIKU
Dili-Universidade da Paz (UNPAZ) hala’o serimónia inseramentu ba estudante na’in 9 ne’ebé tuir formasaun jornalismu baziku durante loron rua iha, Aula Mestradu (11/08).
Vice Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes. ne’ebé reprejenta Magnifiku Reitór, apresia tebes fakuldade direitu, ne’ebé realiza formasaun ida ne’e, tanba fakuldade direitu hamosu ona buat foun ba iha Univrersidade da Paz.
“Formasaun imporntate tebes ba estudante sira, tanba oportunidade mai dala ida la’os mai dala rua, formasaun labele para iha ne’e de’it, tanba atu sai estudante inovativu no kreativu tenki iha formasaun”,tenik Sra. Marilia.
Dekanu Fakuldade Direitu, Dr. Leonito Ribeiro SH.,MH, hateten formasaun ida ne’e oinsa atu garante funsionamentu fakuldade nian, liuhusi meus atividade hoto-hotu hodi promove nune’e fakuldade bele iha mudansa la’o ba oin.
“Ita tenki iha media fakuldade hodi divulga informasaun ba iha povu liu-liu iha fakuldade direitu”,dehan Dekanu Fakuldade, Direitu Dr. Leonito.
Nia hatutan, estudante sira ne’e tuir ona formasaun jornalismu baziku ida ne’e, oprtunidade imi uza ba, espera katak aban bairua imi sai jornalista profisional iha media sira.
Partisipa iha inseramentu formasaun ne’e, Vice Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes. Dekanu Fakuldade Direitu, Dr. Leonito Ribeiro SH.,MH, Formador ba Jornalizu baziku, estrutura Fakuldade direitu, inklui estudante sira.