![UNPAZ-FAKULDADE DIREITU HALO ATIVIDADE ELEISAUN BA XEFE SENADU FOUN PERIODU 2023.](https://unpaz.tl/asset/foto_berita/23.jpg)
UNPAZ-FAKULDADE DIREITU HALO ATIVIDADE ELEISAUN BA XEFE SENADU FOUN PERIODU 2023.
Dili-Universidade da Paz (UNPAZ) liuhusi FaKuldade Direitu realiza eleisaun ba Xefe Senadu foun atu bele kontinua fali servisu ne’ebé mak planu hela iha fakuldade nia laran, iha Salaun José Casimiro (27/08).
III Viçe Dekanu Sr. Anfonso Soares, Lic. Dir. M. Dir, hateten husi fakuldade direitu ba tinan ida ne’e, ita hala’o tan eleisaun ba senadu foun, tanba senadu ida tuan agora prepara hela ninia monografia, entaun ita fó tempu ba sira ne’ebé mak semester ki’ik atu nune’e semester bo’ot sira ne’e hala’o ninia estudu ho kondisaun ne’ebé mak permite.
Nia hatutan, meus ida ne’e ami estrutura husi fakuldade direitu liuhusi estrutura senadu fakuldade direitu ninia kada periodu ida, ita halo eleisaun ba senadu dala ida, tanba iha tinan kotuk ita halo iha fulan agustu nia laran ita halo ona eleisaun no tomada de pose ba iha senadu, ohin iha tan fali fulan agustu tinan ida ne’e, ita halo eleisaun ba senadu foun.
“Senadu ne’e importante la halimar hanesan liman ain ba estudante hotu-hotu tantu reguler no extensaun, nune’e bele reprezenta estudante hotu-hotu ha fakuldade nia laran, problema saida de’it mak mosu iha fakuldade liuliu ba estudante sira senadu mak sei representa hodi bele rezolve hamutuk”,Nia informa.
Nia salienta, husu ba estudante hotu husi semester II to’o semester VIII ne’ebé mak iha ne’e, hotu-hotu partisipa, karik balu iha ne’e, atu reguler ka extensaun orsida bele partisipa hotu.
Viçe ne’e reforsa, Kandidatu na’in haat ne’ebé mak tur hela iha ne’e, kandidatu sira ne’e, antes ita bo’ot sira atu hili ba senadu iha fakuldade direitu, haree sira nia kreatividade, badinas, ne’ebé mak durante ne’e hatudu hela iha fakuldade, labele tan de’it atu ba senadu hotu-hotu hakarak kandidata a’an maibe baruk ten mai kampuz.
Entretantu kandidau na’in haat hanesan, Olavio D. Jeronimo Hornai. Agustinho de Jesus Madeira. Ariqui Crissanto Colo. Antónia A.X. Pinheira da Silva.
Partisipa iha atividade refere, III Viçe Dekanu Sr. Anfonso Soares, Lic. Dir. M. Dir. Ho estrutura tomak, inklui estudante sira iha Universidade da Paz.