UNPAZ-FAKULDADE CSH HO PLAN INTERNASIONAL TL REALIZA SEMINARIU

UNPAZ-FAKULDADE CSH HO PLAN INTERNASIONAL TL REALIZA SEMINÁRIU

Dili-Universidade da Paz (UNPAZ) liuhusi Fakuldade Siénsia Sosiais Humaniora hamutuk ho Plan Internasional Timor-Leste, hala’o semináriu ho tema “Papel Organizasaun Plan Internasional Timor-Leste ba Dezenvolviumentu Komunitária iha Timor-Leste” iha Salaun José Kasimiru UNPAZ (25/02).

Vice Dekanu Asuntu Akadémiku, Sr. PDT. Samuel Carlos Ribeiro, CSH, MPA, ne’ebé reprezeta Dekanu, hateten, prinsipiu universidade nian mak, Edukasaun Aprendisajen, Peskiza, Servisu Komunitariu, entau estudante sira banhira ita bo’ot sira mai iha universidade estuda siénsia oi-oin atu hetan matenek sai badaen no hatudu ita nia komportamentu iha komunidade.

“Bainhira ita iha ona matenek no iha ona abilidade, nune’e ikus liu ita tenki hatudu katak, ita iha matenek no ita bele halo, tanba ita hatudu hahalok ne’ebé di’ak no abilidade sira iha komunidade”,dehan Nia.

Diretora Plan Internasional Timor-Leste, Sra. Dillyana Ximenes, hatutan Plan nu’udar organizasaun, ami la’os hala’o de’it atividade, maibe importante liu ami atu fahe ami nia valor nu’udar organizasaun no nu’udar pesoal para atu sai kampiaun ba mudansa.

Partispa iha seminariu refere, Vice Dekanu Asuntu Akadémiku, Sr. PDT. Samuel Carlos Ribeiro, CSH, MPA, estrutura Kompostu husi Dekanu sira, Xefe Deparatamentu no Dosente, Direktor Unidade sira, Diretora Plan Internasional Timor-Leste, Sra. Dillyana Ximenes ho Ekipa, inklui Estudante sira.