UNPAZ-ESTUDANTE FSP 325 TOO LOKASI MANATUTU

UNPAZ-ESTUDANTE FSP 325 TO’O LOKASI MANATUTU

Dili-Universidade da Paz (UNPAZ) nia estudante atus tolu rua nulu resin lima(325), ne’ebé viajen husi Kampz UNPAZ to’o ona iha, Munisipiu Manatutu, Postu Administrativu Laclo (02/04).

Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. hateten ohin ita husi UNPAZ mai iha fatin pratika iha Munisipiu Manatutu Postu Administrativu Laclo, estudante sira kompostu husi grupu ualu ( ne’ebé ita sei desloka tuir suku sira.

“Partika Atividade Kampu primeiru ne’e, sira sei rekolla uluk dadus kona-bá problema saúde públika husi grupu ne’ebé destaka ona durante semana rua iha komunidade sira”, haktuir Dekanu FSP, Sr. Martinus Nahak.

Nia hatutan, estudante sira mai halo estajiu profisional, ligadu aktividade Saúde Públika nian, atu preve no promove nomós atu proteje ita nia komunidade moras, oinsa hasa’e sira nia vida moris ne’ebé saudavel, dadus ne’ebé sira atu foti ligadu ho preparasaun ne’ebé iha liu-liu instrumentu ne’ebé Fakuldade Saúde Públika iha, hodi fó ona treinamentu ba estudante sira.

Reprezenta Suku Uma Kaduak, Sr. Liborio da Costa, ami sente kontente tanbá tinan tinan ami simu ami nia alin no ami nia oan estudante sira mai halo peskiza ou pratika, sira nia prejensa ne’ebé mai iha ami nia Suku li-liu iha ami nia Aldeia, ami prontu simu sira.

Aliende ne’e Xefe Aldeia Uma Naruk, Sr. Jacinto da Costa Oliveira, reforsa, ami autoridade lokal iha ne’e ami prontu simu estudante sira, maibe sé akontese buat ruma labele nonok ko’alia para ita hamutuk hodi rezolve.

“Ami nu’udar inan aman, ami la koi atu problema sira akontese iha fatin ida ne’e”,dehan Xefe Aldeia, Sr. Jacinto.

Reprezenta estudante estajiadu/a, Feviana de Jesus, husi FSP, Departamentu Nutrisaun, sente orgullu tebes ba atividade ne’ebé realiza, ami nu’udar estudante ami sei esforsu hodi atinji objetivu ne’ebé iha, no ikus mai ami bele realiza saida mak ami nia hakarak iha futuru.

Entretantu partisipa iha atividade refere, Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. Reprezenta Suku Uma Kaduak, Sr. Liborio da Costa, ho Xefe Aldeia Uma Naruk, Sr. Jacinto da Costa Oliveira, Dosente sira husi FSP, inklui Estudante Estajiádu/a sira.