UNPAZ-ESTUDANTE FSP 25 PARTISIPA WORKSHOP HUSI PLAN INTERNASIONAL TL
Dili-Universidade da Paz (UNPAZ) nia estudante rua nulu resin lima (25) husi Fakuldade Saúde Públika, Departamentu Saúde Reprodutiva, partisipa workshop ne’ebé fasilita husi Plan Internasional Timor-Leste, ho topiku “Estabelese Edukador ba Belun (Peer Educator) Saúde Reprodutiva, iha Salaun Multifunsaun FSP (04/04).
Vice Dekanu Asuntu Estudantil FSP, Sr. Santiago Jorge Pereira, Lic, SP.,MPH. Hateten, objetivu husi Workshop ne’e, atu fornese informasaun , treinamentu rekursu ho topiku espesifiku sira liga ho Saúde Reprodutiva.
“Atu kontribui ba hasa’e koñesimemtu labarik, adoloxente no foin sa’e sira, iha fiar a’an atu fahe tutan informasaun no idea kona-bá Saúde reprodutiva”,dehan Nia.
Vice reafirma, estudante sira mós diskusaun grupu ba kada topiku, ne’ebé rekomenda husi estudante sira hamutuk ho pesoal peritus relevante sira.
Partisipa iha Workshop ne’e, Xefe Departamentu Saúde Reprodutiva, FSP, Sra. Felisbela A. de Oliveira, Lic.SP.,MSP. Vice Dekanu Asuntu Estudantil FSP, Sr. Santiago Jorge Pereira, Lic, SP.,MPH. Dosente sira husi Saúde Reprodutiva. Ekipa Plan Internasional Timor-Leste. Inklui Estudante sira husi FSP, Departamentu Saúde Reprodutiva.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
