UNPAZ-ESTUDANTE FCSH NAIN 6 ABAN DESLOKA BA ALEMANHA

UNPAZ-ESTUDANTE FCSH NA’IN 6 ABAN DESLOKA BA ALEMANHA

Dili-Universidade da Paz (UNPAZ) nia Magnifiku Reitór Universidade da Paz, Dr. Adolmando Soares Amaral, Lic.Eco.,MM. sente orgullu tebes tanba estudante na’in 6 hetan oportunidade di’ak hodi bele aprende tan kona-ba lala’ok ensinu superior nian ne’ebé mak iha mundu agora, ema la’o dok ona ne’ebé ita mós teknke bok a’an ona, iha Reitór nia kna’ar fatin (12/09).

“Imi tenki aproveita didi’ak fila mai, ha’u fiar katak futuru alumi iha imi nia liman, instituisaun ita hotu nian, tanba ne’e aproveita ho buat hirak ne’e hodi mai kontinua habelar no habo’ot ita nia instituisaun ho esperensia ne’ebé liuhusi buat ne’ebé imi hetan, hodi bele mai dezenvolve fila fali ita nia universidade, iha ne’e tanba instituisaun ita hotu nian ho biban ida ne’e husu atu aproveita ho diak”,dehan Reitór.

Vise Reitor Asuntu Kooperasaun, Sr. Luis Pereira Cardoso, Dip.Cs.Lic.CSH.MA. Mcs, hatutan, katak ba iha ne’eba respresenta universidade nomós Timor-Leste nia naran, ba iha ne’eba la’o karik koidadu imajen Universidade da Paz nian ne’ebé fó oportunidade mai ita.

Iha sorin seluk, Estudante Bolseiru, Felixberto fernandes da Costa, agradese tebes ba Universidade liuhusi esforsu ne’ebé halo durante fulan hirak nia laran to’o mai agora, buat ne’ebé ami sente sai importante mai ami hodi bele hala’o, maka ami tenki sai hanesan embaixador Universidade nian depois buat ne’ebé ami aprende iha ne’e ami sei koko atu fahe iha ne’eba, depois buat ne’ebé ami aprennde iha ne’ebá ami sei lori mai fahe fali iha ne’e, ho responsabilidade tomak , no ami husu Universidade atu fó nafatin oportunidade mai am.

Entretantu bolseiru hamutuk na’in 6, Maria M.X.Castro de Oliveira da Costa. Silveiro da Silva de Araujo. Felisberto Fernandes da Costa. Ana Maria de Fatima Alberto Pereira. Dimantino P.de Orleans Soares. Zeferino Almeida Martins.