![UNPAZ-ESTUDANTE FAKULDADE EKONOMIA 30 PARTISIPA IHA TREINAMENTU Mony Mondid](https://unpaz.tl/asset/foto_berita/279620195_720620472723241_2638090281436921492_n.jpg)
UNPAZ-ESTUDANTE FAKULDADE EKONOMIA 30 PARTISIPA IHA TREINAMENTU MonyMondid
Dili-Universidade da Paz (UNPAZ) nia estudante tolu nulu (30) husi Fakuldade Ekonomia Departamentu Jestaun, Bankaria, Kontabilidade no Empreendedorismo partispa iha treinamentu ba faze datoluk ho tema MonyMondid, atu eleva liu tán estudante nia koñesimentu oinsa jere no Investe sira nia osan iha futuru, iha Aula Multi Funsi no 8 (29/04).
Fasilitador, Relationsho Support Oficer, Recources, Energy & Infrastructure, Sra. Maria Fernades, hateten, ohin ita halo treinamentu ba faze datoluk, programa ne’ebé Banku ANZ implementa, atu aijuda alin estudante sira atu maneza osan ne’e rasik nomós koñesimentu ba osan ho komfedensial, ida ne’e mak husi programa MonyMondid implementa.
“Ida ne’e ANZ atu aijuda komunidade no estudante sira oinsa maneza osan, programa ne’e kualker se de’it bele aprende, ami agradese UNPAZ bele husu ami mai dezamina informasaun ne’e ba iha estudante sira iha UNPAZ”, tenik Fasilitador Sra. Maria.
Xefe Departamentu Bankaria, Sra. Imelda Maria Fidelia Quim, Lic Eco.,MM. katak, treinamentu ida ohin husi Banku ANZ ba faze datoluk ninian, treinamentu ne’e servisu hamutuk entre Fakuldade Ekonomia ho Banku ANZ, treinamentu ne’e rasik hala’o tuir nesesidade estudante sira ne’ebé rejistu to’o (30) hafoin bele realiza treinamentu refere.
“Treinamentu ida ne’e bele fó benefisiu ba estudante sira, nomós aumenta estudante sira koñesimentu oinsa bele jere osan ho di’ak iha sira nia vida moris, tantu iha sira nia atividade lor-loron iha familia nomós aban bairua iha sira nia ambiente servisu fatin”,Xefe Departamentu Bankaria, Sra. Imelda.
Nia hatutan, treinamentu ida ne’e mós hapar ho materia sira ne’ebé sira aprende teoria de’it, agora sira bele pratika liuhusi treinamentu ne’ebé mak akontese.
Vice Dekanu I, Fakuldade Ekonomia, Sr. José Da Silva, Lic Eco.,MM. salienta lori estutura Fakuldade Ekonomia no Universidade da Paz, hakarak hato’o agradese ba vontade husi fasilitador sira husi Banku ANZ ne’ebé nafatin fó fiar mai iha Universidade liuliu ba iha Fakuldade Ekonomia, hodi bele fahe esperiensia kona-ba MonyMondid ba iha estudante sira husi Departamentu haat, espera katak ba feze datoluk ne’e, sei nafatin kontinua ba etapa dahaat.
Reprezenta estudante sira ne’ebé tuir treinamentu refere, Estudante Nofenia Moises Salsinha Trindade, Departamentu Bankaria Semestre 1, esklarese, ohin loron ne’ebé ami tuir treinamentu, ami aprende kona-bá oinsa mak atu maneza osan, liuliu hanesan ami estudante atu maneza didi’ak osan ne’ebé maka inan aman fó mai.
“Treinamentu ne’e Vantazen ne’ebé di’ak tebes ba ami estudante sira, atu maneza osan ne’ebé ho di’ak ba iha futuru, tanba ne’e hahú agora ita tenki maneza, haree buat ne’ebé presija mak bele sosa”,Subliña Nofenia.
Partisipa iha treinamentu ferere, Fasilitador, Relationsho Support Oficer, Recources, Energy & Infrastructure, Sra. Maria Fernades. Xefe Departamentu Bankaria, Sra. Imelda Maria Fidelia Quim, Lic Eco.,MM. Vice Dekanu I, Fakuldade Ekonomia, Sr. José Da Silva, Lic Eco.,MM. nomós Estudante sira husi Departamentu 4, Jestaun, Bankaria, Kontabilidade no Empreendedorismu.