header-int

UNPAZ-ESTUDANTE 332 HUSI FAKULDADE EKONOMIA ABERTURA BA ESTAJIU PROFISIONAL

Rabu, 04 Mei 2022, 09:14:40 OTL - 34 View
Share
UNPAZ-ESTUDANTE 332 HUSI FAKULDADE EKONOMIA ABERTURA BA ESTAJIU PROFISIONAL

UNPAZ-ESTUDANTE 332 HUSI FAKULDADE EKONOMIA ABERTURA BA ESTAJIU PROFISIONAL

Dili-Universidade da Paz (UNPAZ) nia estudante atus tolu, tolu nulu resin rua (332) husi Fakuldade Ekonomia hala’o serimónia abertura ba estajiu profisional durante fulan ida, iha Salaun José Kasimiru (03/05).

Vice Reitór I Asuntu Akadémiku, Sr. Joaninho Xavier Hei, Lic. CSH.,M.Ed. ne’ebé reprezenta Magnifiku Reitór, hateten, ita bo’ot sira tama ona ba semester lima aprende ona teoria, maibe agora ita bo’ot sira tenki ba ona iha terenu atu aprende servisu profisional sira iha vida moris lorloron iha edifisiu sira.

Nia hatutan, ita bo’ot sira presija aprende barak liu tán, tanba ita bo’ot sira foin hakat ba pasu profisional nian, sira ne’ebé iha ona servisu, ita bo’ot sira sei mellora liu tán desempenu iha terenu, tanba ne’e ita bo’ot sira ba estajiu sei lori naran Universidade da Paz, sei aprede saida mak akontese iha servisu profisional ne’e, ita bo’ot sira koko atu aplika teoria ne’ebé hetan iha nivel Universidade, depois bele apar ho vida moris servisu profisional nian.

“Estajiadu tenki hatudu dezenpenu ne’ebé di’ak iha fatin hala’o estajiu, asuntu kona-bá positivu nian ita bo’ot sira absolve, negativu husi labele lori, ita bo’ot sira ba mós lori parte positivu mak aplika iha fatin estajiu, negativu labele koko atu aplika, tenki disiplina tuir regras ne’ebé servisu, hatudu ita bo’ot sira nia akadémista ne’ebé profisional, aprede atu sai profisional ba iha futuru ne’ebé di’ak, tanba ita bo’ot sira aprende pilar tolu ne’ebé importante, iha nivel edukasaun, badaen, atitude, matenek, buat tolu ne’e mak sei aplika iha vida moris lorloron nian”,dehan Vice Reitór I.

Dekanu Fakuldade Ekonomia, Dr. Alexadre de Sousa Guteres, Lic. Eco. MM. salienta, estajiu/magma ne’e prosesu ida iha Universidade tenki halo para atu halo balansu entre dezenvolvimentu siénsia no pratika ne’ebé presija ita bo’ot sira halo ho koñesimentu saida mak ita bo’ot hetan iha Universidade.

“Husi estajiu ida ne’e ita bo’ot sira bele koiñese saida mak akontese iha fatin estajiu, hatudu ba kualidade, lori ba naran di’ak Universidade ba iha fatin estajiu”,dehan Dekanu Fakuldade Ekonomia, Dr. Alexadre.

Partisipa iha abertura ne’e, Vice Reitór I Asuntu Akadémiku, Sr. Joaninho Xavier Hei, Lic. CSH.,M.Ed. Dekanu Fakuldade Ekonomia, Dr. Alexadre de Sousa Guteres, Lic. Eco. MM. ho estrutura tomak, inklui Estudante Estajiadu/a sira hotu iha Universidade da Paz.

Unidha Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL
© 2022 Universitas da Paz Follow Universitas da Paz : Facebook Twitter Linked Youtube