UNPAZ-ESTRUTURA UNIVERSIDADE KONVOKA REUNIAUN BA PREPARASAUN EZAME KLARAN

UNPAZ-ESTRUTURA UNIVERSIDADE KONVOKA REUNIAUN BA PREPARASAUN EZAME KLARAN

Dili-Universidade da Paz (UNPAZ) nia Vise Reitór Asuntu Akadémiku, Sr. Joaninho Xavier Hei, Lic. CSH.,M. Ed. Realiza reuniaun hamutuk ho Vise Dekanu Asuntu Akadémiku, nomós Pro Reitor Asuntu Dezenvolvimentu Rekursu Humanu, Diretór Finansas, Diretór IQA, nomós Diretór Inprime, hodi ko'alia kona-ba realiza ezame klaran iha semana oin, iha Aula Prof. Dr. Lucas da Costa (11/10).

Nia hatutan, husu ba dosente sira atu aselera lalais iha semana ida ne’e hodi nune’e semana oin ita hahu hakat ona ba ezame klaran, ba estudante sira nia dever maka tenki selu ona propinas 50% atu nune’e hodi hakat ba ezame klaran.

“Tanba ne’e husu ba estudante sira atu aselera lalais imi nia dever bele haka’at ona ba iha banku, nomós kolega dosente sira mós tenki aselera lalais imi nia prosesu hanorin tuir kriteria ne’ebé mak establese ona iha ita nia kurikulum katak, hasoru malu ho estudante sira to'o dala hitu ita bele fó ona ezame klaran ba sira”,dehan Vise.

Nia reforsa, Iha parte seluk Iha fulan ida ne’e, ita aloka ona lista atu simu estudante foun, tanba ne’e husi Fakuldade sira sei fahe brosura nomós husi diresaun akadémiku estudantil sei fahe mós informasaun liuhusi Media kona-ba publikasaun simu estudante foun tinan 2023 nian.

Ida seluk mak ko’alia kona-ba ezame obra sientifiku sei taka iha fulan oin, ne’ebé husu ba finalista sira atu aselera lalais sira nia obra sientifiku no dosente orientadór sira aselera lalais, tanba iha dia 15 de Novembru ita taka ona ezame obra sientifiku, ba sira ne’ebé mak la finaliza sira nia ezame obra sientifiku. sei muda fali sira nia gradusaun ba tinan oin, Nia hakotu.