UNPAZ-ESTRUTURA KOMISAUN ORGANIZADORA KONVOKA REUNIAUN
Dili-Universidade da Paz (UNPAZ) liuhusi Prezidente Komisaun Organizadora konvoka reuniaun hamutuk ho estrutura komisaun ba preparasaun Graduasaun tinan akadémiku 2022, iha Aula Prof. Dr. Lucas da Costa (01/11).
Magnífku Reitór Universidade da Paz, Dr. Adolmando Soares Amaral, Lic.Eco.,MM. hateten, husu ita hotu nia komitmentu katak, atu susesu la susesu ba graduasaun tinan ida ne’e, depende ba iha ita na’in hira ne’ebé mak involve iha komisaunida ne’e.
“Tanba ne’e na’in hira ne’ebé involve iha komisaun servisu ho responsabilidade”,dehan Reitór UNPAZ.
Vise Reitór Asuntu Akademiku, Sr. Joaninho Xavier Hei, Lic. CSH. M. Ed. nu’udar Prezidente Komisaun Organizadora ba Graduasaun tinan akadémiku 2022, hatutan, ohin loron ita estabele komisaun organizadora ba graduasaun tinan akadémiku 2022, ne’ebé mak sei realiza iha dia 19-21 fulan Dezembru 2022.
“Gradusaun ba tinan ida ne’e sei iha eventu bo’ot rua mak hanesan, serimónia fraternidade/malam pratoga hamutuk ho dosente estudante ho inan aman sira inklui parseiru sira UNPAZ nian, ne’ebé lasala iha 17/18 kalan iha kampus UNPAZ”,tenik Prezidente Komisaun.
Nia hatutan, kada seksaun koloka hotu ona, nune’e ida idak hala’o nia servisu tuir seksaun ne’ebé mak iha.
Entretantu reuniaun ne’e lídera husi, Prezidente Komisaun Organizadora, no partisipa masimu husi estrutura membru komisaun sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
