![UNPAZ-ESTRUTURA FAKULDADE ENJENARIA KOMVOKA REUNIAUN HO UNIVERSIDADE BRAWIJAYA](https://unpaz.tl/asset/foto_berita/28.png)
UNPAZ-ESTRUTURA FAKULDADE ENJEÑARIA KOMVOKA REUNIAUN HO UNIVERSIDADE BRAWIJAYA
Dili-Universidade da Paz (UNPAZ) liuhusi estrutura Fakuldade Enjeñaria hala’o reuniaun informal iha loron Kuarta-feira, 25 Maiu 2022 simu Konvite husi Universidade Brawijaya, Fakultas Teknik, Departamentu Teknik Industri mai iha Depártamentu Enjeñaria Indústria Fakuldade Enjeñaria, Universidade da Paz, hodi hala’o reuniaun informal, liuhusi zoom Meeting, (27/05) horseik.
Xefe Departamentu Enjeñaria Indústria, Sr. Jeronimo da Silva , Lic. Eng.,M. Eng, hateten, iha loron Sexta, 27 Maiu 2022 Depártamentu Enjeñaria Indústria liuhusi Dekanu Fakuldade, Xeefi Departamentu, Vise Dekanu Asuntus Akadémiku, Xefi Laboratorium UNPAZ, realiza reauniaun hamutuk ho Ketua Program Studi Bapak Sugiono, ST.,MT.,Ph.D hamutuk mós Sekretaris Jurusan, Kepala Laboratorium Teknik Industri Universitas Brawijaya, Reuniaun ne’e halo’o liu husi ZOOM MEETING, ho Agenda ne’ebé mak ko’alia hamtuk mak hanesan : Student Exchange, Kapasitasaun Dosente, Publikasaun Jurnal, Seminariu Internasional no Kuliah Umum.
Nia hatutan, husi diskusaun hirak ne’e hotu mak Departamentu Enjenaria Industria UNPAZ, sei kolabora hamutuk ho Fakuldade sei hato’o ba Universidade hodi halo Koopersaun entre Universidade rua, Departamentu Enjeñaria Indústria UNPAZ, apresia tebes ba Kuliah Umum husi Universitas Brawijaya, Program Studi Teknik Industri ne’ebe sei realiza iha loron Kinta-feira, 02/06/2022 husi Dosente Naran L. Tri Wijaya N. Kusuma, ST., MT., Ph.D.