UNPAZ-ESTÁJIADUS SIRA NAFATIN SERVISU TUIR GRUPU
Dili-Universidade da Paz (UNPAZ) nia estudante sira ne’ebé hala’o programa estajius sosiais tinan akadémiku 2023, nafatin hala’o sira nia atividade tuir ida-idak nia grupu, iha kampus B UNPAZ Liquisa (14/04).
Estudante estajiadu, Vitorino L.S.de Jesus, nu’udar Xefe Grupu 10, hateten agora dadauk ami hala’o ami nia servisu moru, tanba ne’e atu dehan de’it oras ne’e, husi ami nia grupu atinji 60% ona, tanba ne’e mak husu ba kolega grupu sira atu bele parsisipa masimu iha atividade ida ne’e.
“Ami sente katak ami nia atividade la’o normal, kompara ho loron hira ne’ebé mak ita husi dili dader-dader mak desloka mai, ami hela iha ne’e mak lori servisu, ami garante katak husi servisu grupu ida ne’e nian, tenki atinji turi tarjeitu ne’ebé mak universidade fó sai”,dehan Estájiadu Vitorino.
Sorin seluk, Estudante Estájiadu, Juiso J.D.Verdial, husi Grupu 3, hatutan ami durante servisu ne’ebé mak desloka husi Dili mak mai Liquisa, ami nia partisipasaun ladun masimu iha sevisu, maibe agora universidade foti fali desizaun ami tenki hela fila fali, tanba ne’e oras ne’e dadaun ami nia servisu la’o masimu lo’os husi grupu ida-idak nian.
“Ami nia finseiru sei bele sufisiente, atu bele responde ba ami nia grupu laran, tanba ne’e ami fiar katak, semana ida tan ami fele finaliza ami servisu”,tenik Estájiadu, Juiso.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
