![UNPAZ-EKIPA UNIVERSIDADE ABAN DESLOKA BA FILIPINA](https://unpaz.tl/asset/foto_berita/132.jpg)
UNPAZ-EKIPA UNIVERSIDADE ABAN DESLOKA BA FILIPINA
Dili-Universidade da Paz (UNPAZ) liuhusi estrutura Universidade ne’ebé kompostu husi Prezidente Konsellu Administrasaun Funadasaun Neon Metin, Vise Reitor Asuntu Koperasaun, Xefe Gabinete Reitoradu nomós Dr. Xisto Martins, aban sei desloka ba iha Bali hodi kuntinua ba iha Filipina, ho objetivu atu halo kooperasaun, iha edifisiu Reitór nia kna’ar fatin (06/10).
Vise Reitor Asuntu Kooperasaun, Sr. Luis Pereira Cardoso, Dip.Cs.Lic.CSH.MA. Mcs, hateten aban ekipa sei desloka ba Bali, depois de kontinua ba iha Filipina, no bairua sei kontinua ba Los Banos Southeast Asian Regional Center for Gradute Study and Research in Agriculture (SEARCA) nia edifisiu sentral, atu halo kooperasaun ho sira, tanba sira fornese bolsu estudu tinan-tinan ba UNPAZ, liuliu ba Mestradu no Doutoramentu.
“Asuntu sira ne’e hotu mak ohin ami mai halo audensia ho Magnifiku Reitór, molok desloka ba Filipina aban’,dehan Vise Reitor Asuntu Kooperasaun, Sr. Luis.
Nia hatutan, tanba ne’e, UNPAZ liuliu Fakuldade Teknologia Agrikola, ninian foku liu ba ida ne’e, sira mós iha programa barak hanesan, peskiza no hameno estudante sira ba iha Filipina hodi aprende durante fulan balu nia laran.