UNPAZ-EKIPA MONITORIZASAUN HALO KONTROLU BA EZAME IHA AULA
Dili-Universidade da Paz (UNPAZ) liuhusi ekipa monitorizasaun halo kontrolu ba estudante ne’ebé tuir ezame iha aula, hodi haree kona-ba estudante sira ne’ebé maka priense ona rekiziu ba propinas 50% no sira ne’ebé mak seidauk prinse rekizitu, iha Kampus UNPAZ (20/10).
Primeiru Vise Dekanu Fakuldade Direitu, Sr. Julio Manuel, Lic. Dir., M. Hum. Nu’udar ekipa monitorizasaun hateten, ami ekipa monitorizasaun hetan despaixu husi Mgnifiku Reitór, hahú segunda ne’e, ami hala’o monitorizasaun kedas ba estudante sira nia ezame iha aula.
Nia hatutan, tuir rekizitu unversidade nian, estudante atu hakat ba ezame klaran, minimu estudante tenki selu ona propinas 50%, tanba ne’e ekipa monitorizasaun halo monitoriza ba iha aula sira, hahú segunda to’o ohin loron.
“Estudante sira ne’ebé mak seidauk priense rekizitu, ba propinas 50% bele ba selu tiha iha banku, hafoin bele tuir ezame fila fali”,dehan Primeiru Vise Dekanu Fakuldade Direitu, Sr. Julio.
Estudante, Arquiminio de Araújo, husi Fakuldade Ekonomia, Departamentu Bankaria, agradese tebes tanba durante loron hirak ne’e, ezame la’o ho di’ak, bazeia ba materia ne’ebé ami aprende durante ne’e iha aula.
“Hanesan estudante tenki prepara antes, nune’e bele hasoru ezame ho di’ak, tenki estuda materia sira, buka referensia sira, nune’e bele hasoru ezame ho di’ak, ba maluk estudante sira hotu iha Universidade da Paz, nafatin buka hodi bele hatene, nafatin esforsu, atu bele atinji objetivu”,tenik Estudante Arquiminio.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
