![UNPAZ-DOSENTE HUSI FCSH HO DIREITU TUIR FORMASAUN LEI UMANITARIA INTERNASIONAL](https://unpaz.tl/asset/foto_berita/73.jpg)
UNPAZ-DOSENTE HUSI FCSH HO DIREITU TUIR FORMASAUN LEI UMANITARIA INTERNASIONAL
Dili-Universidade da Paz (UNPAZ) nia dosente sira hui Fakuldade rua hanesan, Fakuldade Ciensia Sociais Humana (CSH) no Fakuldade Direitu, turi formasaun kona-ba lei umanitarian internasional, iha edifisiu Kruz Vermeila Timor-Leste (04/10).
Vise Reitor Asuntu Koperasaun, Sr. Luis Pereira Cardoso, Dip.Cs.Lic.CSH.MA. Mcs, hateten, ohin ita nia dosente sira tuir formasaun kona-ba lei umanitaria internasional, liuliu ba iha Fakluldade Ciensia Sociais Humana (CSH) no Fakuldade Direitu.
Nia hatutan, ita halo formasau ida ne’e, bazeia ba kooperasaun ne’ebé estabelese ona ho Kruz Vermeila internasional, tanba sira hanesan ita nia parseiru ida ne’ebé mak besik durante ne’e, ita sempre hala’o servisu hamutuk ho sira, kona-ba lei umanitaria internasional, ba estudante nomós dosente sira.
“Formasaun ne’ebé uluk liu, iha ona nia rejultadu, tanba Fakuldade Direitu komesa hanorin ona lei umanitaria internasional, no iha Fakuldade Ciensia Sociais Humana, (CSH) mós komesa hatama ona materia, lei umanitaria internasional, ba iha estudu ba paz”,dehan Vise Reitor Asuntu Koperasaun, Sr. Luis.
Vise reforsa, ita hanoin ba futuru, ita hakarak lei umanitaria ba iha ita nia kurikulum, tanba ne’e mak hahu agora ita halo formasaun, ita espera katak, kooperasaun ne’e la’os iha ne’e de’it, maibe kontinua ba iha futuru, hodi dezenvolve no kapasita ita nia dosente sira.
Partisipa iha formasaun ida ne’e, Vise Reitor Asuntu Koperasaun, Sr. Luis Pereira Cardoso, Dip.Cs.Lic.CSH.MA. Mcs. I Vise Dekanu Fakuldade Direitu, no primeiru Vise Dekanu Fakuldade CSH, reprezentante ICRC, Timor-Leste João Martins, inkliu mós Dosente sira husi Fakuldade CSH ho Direitu.