UNPAZ-DIRESAUN ESTATISTIKA REALIZA SEMINARIU BA SELEBRASAUN LORON POPULASAUN MUNDIAL

UNPAZ-DIRESAUN ESTATISTIKA REALIZA SEMINARIU BA SELEBRASAUN LORON POPULASAUN MUNDIAL

Dili-Universidade da Paz (UNPAZ) liuhusi diresaun estatistika hala’o seminariu kona-ba selebrasaun loron populasaun mundial hodi aprezenta dadus demografiku, liu-liu liga ho dadus populasaun 2015 dadus demografia saúde Timor-Leste ne’ebé la’o ona, iha pontus 5 importante ba ekonomia, saúde, edukasaun, organizasaun nomós estadu, iha Salaun José Kasimiru UNPAZ (12/07).

Diretor Geral Estatistika, Sr. Elias dos Santos Ferreira, hateten iha 2022 sei iha planu balu sensus ne’ebé la’o ona, dadus 2013 ne’e mak ita sei dada iha dadus ne’ebé maka foun, se ita kompara fali dadus ne’ebé ohin aprezenta ne’e, liga dadus husi alin estudante sira nia preokupasaun barak kona-ba ita nia joven sira barak ba iha rai liur, joven sira ba liur la’os ema seluk ita nia oan, ita nia alin, tiu, apa.

“Kolia ba ki’ak hau hanoin ita hare ba peskiza ki’ak ikus liu 41.8% e 2014/2015 maka governu halo hela planu para tinan oin halo peskiza foun, oras ne’e dadauk ita sei uza hela peskiza ne’ebé ita halo ikus liu, no iha planu novembru sei halo pilotu ba funsionariu, no tinan oin sei halo peskiza ba ita nia pobreza ki’ak”,tenik (DGE) Sr. Elias.

Nia hatutan, tinan 1 nia laran governu mós halo esforsu maka’as, iha pais ne’e sei fraku liu ba iha nutrisaun, ita nian ita lalika subar tamba fraku liu ba ita nia ki’ak ne’ebé liga ho fasilidade uma, hahan e depois maka governu nia planu sexta basika, buat sira seluk iha peskiza ne’ebé tuir mai ita hein katak nia bele tun tan.

Aliende ne’e, Kordenador Asesor Vice Ministru das Finacas, Sr. Cesar Melito Martins, esklarese diresaun jeral estatitika kolaborasaun ho parseira dezenvolvimentu halo seminariu ida ne’ebé importante tebes ba ita no ba Mundu tomak, seminariu ne’e hodi komemora loron mundial ba populasaun ne’ebé monu iha 11 de Jullu horseik, maibe ohin ita foin selebra, tanba horseik hanesan loron feriadu ba dezenvolvimentu sira tuir sira nia kalendariu.

“Inportante ne’ebé ita foti iha loron ida ne’e no refere ba ita nia Ministru nia orientasaun politiku nia hatun katak, populasaun mak sai sentru ba buat hotu katak, dezenvolvimentu hotu no planu hotu-hotu ne’ebé mak entidades hotu halo tenki tau populasaun mak hanesan sentru, populasaun mak sai hanesan alvu ba dezenvolvimentu, nune’e ita bele hatene katak dezenvolvimentu no planu saida mak ita halo lori impaktu ba trasformasaun liu-liu ba populasaun nia moris”,dehan Nia.

Kordenador ne’e subliña, realidade joven ou populasaun enjeral idade produtivu sira hanesan ba buka servisu iha nasaun seluk, ho asuntus ne’e diresaun jeral estatistika produs dadus liu-liu ministériu kompetente, ministériu tekniku sira mak tenki uza dadus ne’e lo’os tuir sira nia área hodi halo investimentu no halo planu hodi bele fó espasu ba dezenvolvimentu atu bele atrai ita nia joven sira ne’ebé hetan oportunidade servisu ne’ebé iha.

Nia reforsa, evidensia beis ne’ebé estatika produs ou dadus ne’ebé estatik produs, ministeriu tekniku sira tenki kria kampu de traballu liga liu ba iha asuntu agrikultura, edukasaun, saúde no asuntu deformasaun iha CEFOPE, ministeriu hirak ne’e uza dadus hirak ne’e atu dezenvolve sira nia programa nune’e bele fó oportunidade no espasu ba servisu hirak ne’e.

Partisipa iha seminariu refere, Vise Reitor Asuntu Administrasaun no Finasas, Sr Caetano Carcerres Correia Lic. Eco. Ak. MCA. Vice Reitor Asuntu koperasaun interna & externa,Sr Luis Pereira Cardoso,Dip.Cs.Lic.CSH.MA.Mcs. Diretor Geral Estatistika, Sr. Elias dos Santos Ferreira. ho Estrutura tomak, Kordenador Asesor Vice Ministro das Finacas, Sr. Cesar Melito Martins. Diretores nasionais sira, Asesores sira hotu husi MAPKOMS, Ministeriu Ensinu Superiór, inklui sira seluk, estudante husi UNTL, UNITAL nomós UNPAZ.