![UNPAZ-ABERTURA JOGU AMIZADE DIES NATALIS UNPAZ IHA KAMPU FUTSAL POLISIA AKADEMIA KOMORO](https://unpaz.tl/asset/foto_berita/275123345_684817739636848_5800214550642436851_n.jpg)
UNPAZ-ABERTURA JOGU AMIZADE DIES NATALIS UNPAZ IHA KAMPU FUTSAL POLISIA AKADEMIA KOMORO.
Dili-Universidade da Paz (UNPAZ), liuhusi Unidade Extra Kurikular akompanña husi Pro Reitor Extra Kurikular no Kamandante Polisia Akadémia organiza estudante no alumi sira ba jogu amizade ba preparasaun ba dies natalis UNPAZ nian ne’ebé sei monu iha loron 09 Fulan Marsu, iha Polisia Akadémia (03/03).
Diretur Extra kurekuler Quntiliano Barros, Lic. SP.,M.Kes, hateten Aniversariu Universidade da Paz ba dala XVIII, Unidade Extra kurikular hetan Despacho husi Magnifiu Reitór hodi organiza jogu ho modalidade rua mak hanesan folly ball no futsal ne’e mak ohin ita hala’o abertura jogu iha kampu polisia akadémia Comoro.
Nia hatutan, tamba liuhusi ita nia pedidu ne’ebé ita haruka mai iha polisia akademia, hodi fasilita ita nia atividade jogu refere, nomos ohin ita komvida mós komandante polisia akadémia hodi mai loke abertura ba jogu ida ne’e, jogu ida ne’e ba futsal mane estudante ativu nomos alumi, ba folly mós ita konvida estudante ativu nomós alumi, haktuir, Sr. Quintiliano.
‘’Ohin ita hahu ita nia abertura iha dia 03 de marsu, ita sei finaliza ita nia jogu ida ne’e iha dia 09 de marsu”,Sr. Quintiliano.
Partisipa iha atividade abertura jogu amizade ne’e, Komandante Polisia Akademia, Pro Reitor Assuntu Extra Kurikuer, Estudante ativu no alumi sira.