UNPAZ-ABERTURA AULA DAHULUK PROGRAMA MESTRADU ANU LETIVU 2024

UNPAZ-ABERTURA AULA DAHULUK PROGRAMA MESTRADU ANU LETIVU 2024

Dili-Universidade da Paz (UNPAZ) hala'o Serimónia Abertura Aula dahuluk Programa Mestradu, Siénsia Direitu, Administrasaun Públiku, Saúde Públika, Jestaun Bankaria no Kontabilidade, Tinan Akadémiku 2024, ho tema "Dezenvolve Rekursu Humanu Liuhusi Edukasaun Ensinu Superior"iha Aula Prof. Dr. Lucas da Costa (02/03).

Iha okaizaun ida ne'e, Sua Exelensia Ministru Justisa, Dr. Sergio de J. F. da Costa Hornai, sente ondra bo’ot ida ba ha’u hetan konvite husi UNPAZ liuhusi Vise Reitór Programa Mestradu nian, atu partisipa iha abertura aula mestradu nian, fatin ida ne’e nu’udar memoria institusional, ne’ebé ita nia saudozu mai ho nia rekursu ida ne’ebé estra-ordinaria ba prosesu luta ba libertasaun. Ho ida ne’e Sente kontente, tanba magnífiku reitór ho estrutura tomak nomós estudante sira hotu iha fakuldade no área oi-oin, ohin ita tur iha salaun konferensia ida nobre ke kapas, mais ilustra iha fatin ida ne’e la’os suprefisiu de’it, mais orienta ita ba iha fatin ida ke lo’os.

"UNPAZ iha dalan ida ke lo’os, atu prokura justisa sosial no justisa formal iha ita nia administrasaun públika estadu ninian, tanba UNPAZ fornese dadauk ba iha ita nia instituisaun públiku estadu ninian, tantu iha seitór públiku no privadu, tanba ne’e ita laiha duvidas ba ida ne’e, nomós ita bo’ot sira tulun ona ita nia sosiedade ida ne’e milaun ba milaun, ne’ebé ita bo’ot sira hatudu dadauk serteza absoluta ba ita nia konsolidasaun estadu ninian, numeru rihun ba rihun sai duni husi UNPAZ, hodi kontribui ba sosiedade públiku no seitór privadu, iha rai laran nomós rai liur, ho ida ne’e parabens-parabens, susesu ba imi bele hakonu ita nia dezenvolvimentu iha kuadrus rekursu humanu iha Timor-Leste",dehan MJ.

Sorin seluk, Magífiku Reitór UNPAZ, Dr. Adolmando Soares Amaral, Lic. Eco.,MM. hateten UNPAZ programa mestradu ba Administrasaun Públika to’o ona doutoramentu nomós siensia de direitu to’o ona doutoramentu, ohin ita abertura ba aula mestradu, maibe antes ne’e la’o ona no balu gradua ona. Tanba ne’e eselensia na’in rua nia prezensa bele motiva tebes ami ho esperitu, atu ami bele organzia an la’o di’ak liu tan.

"Hanesan universidade privadu nafatin organiza an no asegura nafatin polítika governu nian ho ami nia atividade, papel hanesan instituisaun akadémi no ema akadémiku ami nafatin, halo buat ne’ebé ami bele halo, imi nainhira ne’ebé iha sistema nia laran organza la’o ba, maibe ami asegura nafatin liuhusi prepara rekursu humanu husi nivel lisensiatura, mestradu no doutoramentu, atu bele asegura polítika governu ida ne’e bele la’o to’o rohan no governu sira tuir mai",Tenik Reitór UNPAZ.

Aliened ne’e, Vise Reitór Asuntu Programa Mestradu no Doutoramentu, Dr. Martinus Nahak Lino, AMKL.,Lic.SP.,M.AP.,MSP. agradese ba exelensia na’in ne’ebé ho laran luak bele marka prezensa iha abertura ba aula mestradu nian iha UNPAZ, atu relata de’it katak objetivu husi UNPAZ hari’i programa mestradu sira ne’e, atu bele fornese rekursu humanu ba parte sira hotu, atu bele kontribui ba dezenvolvimentu nasional iha Timor-Leste.

Entretantu partisipa iha abertura aula programa mestradu ne’e, Sua Exelensia Ministru Justisa, Dr. Sergio de J. F. da Costa Hornai. Sekretariu Estadu Dezenvolvimentu Lokal, Sr. Mateus Wilfredos dos Santos Tallo. Magífiku Reitór UNPAZ, Dr. Adolmando Soares Amaral, Lic. Eco.,MM. ho Estrutura Universidade. Vise Reitór Asuntu Programa Mestradu no Doutoramentu, Dr. Martinus Nahak Lino, AMKL.,Lic.SP.,M.AP.,MSP. Estudante sira hotu.