UNPAZ SELEBRA NOTA KOOPERASAUN HO HWPL

UNPAZ SELEBRA NOTA KOOPERASAUN HO HWPL

Dili-Universidade da Paz (UNPAZ) Asina nota kooperasaun ho Organizasaun Heavenly Culture World Peace, Restoration Of Light (HWPL) Korea, iha aula Prof. Dr. Lucas da Costa (31/07).

Magnífiku Reitór Universidade da Paz, Dr. Adolmando Soares Amaral, Lic. Eco.,MM hateten husi kooperasaun ne’ebé iha, tanba universidade iha nia programa estudu ba paz, ne’ebé tutela iha fakuldade CSH nia okos, ba oin bele trasnforma ema barak nia mentalidade hodi kompriende kona-ba saida mak paz.

“Agradese ba vise-reitór asuntu kooperasaun ne’ebé bele lori organizasaun HWPL mai iha universidade no agradese mós ba parte HWPL ne’ebé gasta ona tempu no enérjia hodi hala’o kooperasaun ne’e no ba oin iha atividade ne’ebé barak, espera parte organizasaun bele kompriende situasaun universidade nian. Ho hanoin katak, ita bele ajuda governu no estadu, oinsá ita bele transforma joven sira-nia mentalidade atu lori sira kompriende katak, moris iha nasaun demokrátiku timor-leste, paz ne’e importante liu. Nune’e, depois de asina nota entendimentu, ha’u hanoin iha ita nia ema barak ne’ebé ita bele haruka hodi involve iha organizasaun ida ne’e nia laran, atu ita bele buka fali saida mak sira halo ona no nune’e, ita mós hatene saida mak ita atu halo iha futuru” tenik Reitór.

Entretantu iha serimónia asina MoU ne’e, partisipa husi Magnífiku Reitór Dr. Adolmando Soares Amaral, Lic. Eco.,MM, General Director Of International Peace Law in HWPL Global 4 branch Mrs. Chloe Lee, and Mrs. Jenny Choi, a General Director of IPYG in HWPL Global 4 branch, Vise-reitóres, Pro-reitór, Diretór/a, Xefe Unidade sira, Dekanu fakuldade neen, funsionáriu nomós estudante sira.