UNPAZ SELEBRA NATAL HAMUTUK IHA KAMPUS B LIKISA

UNPAZ SELEBRA NATAL HAMUTUK IHA KAMPUS B LIKISA

Dili-Universidade da Paz (UNPAZ) liuhusi estrutura senadu universidade, senadu fakuldade, korpos dosentes nomós funsionariu sira hotu hala’o selebrasaun natal hamutuk, nomós inagura laboratorium fakuldade engeñaria, iha kanpuz unpaz B likisa (12/01/25).

Magnífiku Reitór Universidade da Paz, Dr. Adolmando Soares Amaral, Lic.Eco., MM. hateten susesu ne’ebé ita atinji to’o ohin loron ne’e ita bo’ot sira mak autor ba ida ne’e, tanba ne’e husu ba ita hotu fokus ba ita nia aktividades, iha primeiru reuniaun estrutura foun ne’ebé hetan posse iha loron hirak liu ba no aprova ona kalendariu akademíku hodi ita mai halo natal hamutuk iha ne’e, depois ita inagura laboratorium, nomós fo bensa ba makina sira ne’ebé ita sei entrega ba primeiru Vice ministru nune’e bele distribui fali ba povu sira ne’ebé mak presiza, tanba rai ida ne’e ita hotu-hotu nia responsablidade, se ita halo makina sanulu foo ba nia bele fahe ida ne’e mos kontribui ona ba povu no rai ida ne’e.

Tanba ida ne’e hau hanoin progresu bo’ot ne’ebé ita hahu husi 2004 ho fakuldade ne’en no ohin 2025 ita iha fakuldade hitu no programa estudu 32 ne’e progresu bo’ot. Husi programa estudu ne’e kuaza programa estudu lima mak seidauk hetan lisensa operasional no sira seluk hetan ona lisensa operasional maioria akreditada programatika B. Ne’e progresu bo’ot ne’ebé, dekanu sira, chefe departamentu sira , vice dekanu no docente sira ne’ebé apoiu estrutura universidade, vice reitor, pro reitor, diretor jeral sira nomós diretor unidade sira ita bo’ot sira nia kontribuisaun hahu husi jardineiru , seguransa, kondutor sira progresu ida ne’e ema hotu-hotu nia kontribuisaun mak ita atinji.

Prezidente Konsellu Administrasaun FNM, Eng. José S. Menezes, M.Food.Tech, hateten parabens ba fakuldade engeñaria nomós ita rekoñese ba governu ne’ebé apoiu orsamentu hodi imi bele halo laboratorium ida ne’e, tanba ne’e mak ha’u fi’ar katak regras ne’ebé husi governu nian, nomós ba tinan foun nian ita hanesan mai halo refresin ida.

Dekanu fakuldade engeñaria, Eng. José Manuel Maniquin, Lic.Eng. M.Eng, relata ohin ita mai iha ne’e natal hamutuk universidade ninian au mesmu tenpu inagura laboratorium fakuldade engeñaria ne’ebe ita hetan apoiu husi ix guvernu konstituisional liu husi ministeriu ensinu superior liu husi sira nia programa APOIU HAKBI’IT UNIVERSIDADE PRIVADU SIRA IHA TIMOR-LESTE, tinan ida ne’e universidade da paz hetan ajudus lubuk ida ne’ebe kompostu husi fakuldade sira seluk. No fakuldade engeñaria iha ita ninia proposta ita halo konstrusaun ba iha laboratorium fakuldade engeñaria nomós ita produz makina sira ne’ebe bele responde ituan ba nessesidade komunidade nian.

Entretantu iha selebrasaun natal hamutuk ne’e, Prezidente FNM, estrutura senadu universidade, estrutura senadu fakuldade, korpos dosentes nomós funsionariu sira hotu.