UNPAZ SELEBRA NATAL HAMUTUK

UNPAZ SELEBRA NATAL HAMUTUK

Dili-Universidade da Paz (UNPAZ) liuhusi Estrutura Senadu Universidade, Senadu Fakuldade, Korpus Dosente nomós Funsionariu sira hotu, hala'o Serimónia selebrasaun natál hamutuk, iha Salaun José Casimiro (13/01).

Prezidente Konsellu Administrasaun Fundasaun Neon Metin, Eng. José S. Menezes M.FoodTech. hateten tempu ita atu hahú ka la hahu, tempu la hein ita, maibé tempu la'o nafatin, importante ba ita mak halo reflesaun nafatin katak, durante ne'e, ita halo buat di'ak ne'ebé di'ak ka la di'ak, maibé ita lori natain ida ne'ebé di'ak mantein ba oin no husik at iha tinan kotuk ho ida ne'e mak ita selebra tinan foun ho signifikante. Tanba ne'e ita ida-idak iha responsabilidade atu halo buat di'ak.

Iha fatin hanesan, Magnífiku Reitór Universidade da Paz, Dr. Adolmando Soares Amaral, Lic. Eco ,MM. Informa

iha 2024 ita atu hahu fali ho aktividades akadémika primeira reuniaun senadu universidade da paz iha semana kotuk kalendariu Akadémiku tentativa, ita aprova ona no ita hahu programa lubuk ida mak husu ba fakuldade sira atu halo workshop atu harmoniza kurrikulum ba prosesu aprendisajem iha 2024 nian.

"Ba oin anu responsabilidade tuir moto ne'ebé mak iha la'o tuir sistema ne'ebé mak estabelese ona m, tanba ida asegura no harmoniza ita termina ona iha Mandatu primeiru periodu, ho ida ne'e ba oin anu responsabilidade, katak tenki servisu halo netik buat ruma ba povu no rai ida ne'e, tanba ne'e mentalidade sira iha 2023, ita tenki husik ona, ita mai fali ho hanoin foun halo buat di'ak",dehan Reitór.

Entretantu iha Selebrasaun Natál Hamutuk ne'e, Estrutura Senadu Universidade Estrutura Senadu Fakuldade Neen, Prezidente FNM, ho Komitiva tomak, Korpus Dosente nomós Funsionariu sira hotu iha Universidade da Paz.