UNPAZ SELEBRA MISA AGRADESIMENTU MOLOK HAHU ORIENTASAUN AKADEMIKU 2023

UNPAZ SELEBRA MISA AGRADESIMENTU MOLOK HAHU ORIENTASAUN AKADEMIKU 2023

Dili-Universidade da Paz (UNPAZ) nia estrutura senadu universidade hamutuk ho sivitas akademiku tomak selebra misa agradesimentu ba orientasaun kandidatu estudante foun nomós Dies Natalis UNPAZ ba dala XIX tinan akademiku 2023, iha Salaun Jose Kasimiru (01/03).

Amu Selebrante, Juvito do Rego, hateten iha nia omilia katak, ita hasoru malu loraik ne’e, iha ona maromak nia neon bo’ot, haksolok tebes bele hamrik iha imi nia oin, hodi selebra imi nia loron atu hahu buka matenek, buat ida ne’ebé ita nunka halula katak, hamtauk maromak, mak prisipiu do konesimentu.

“Mai atu aprende atu sai ema ne’ebé maka, tenki haraik an, hakonu ita nia an ne’e ho virtude ida haraik an. Tanba la’os universidade mak fó valor ba estudante, maibe imi mak tenki fó valor ba universidade, universidade ne’e organiza, maibe atu matene ne’e estudante sira maka tenki estuda maka’as.Para digma saida mak imi lori iha imi nia neon, atu kontesta realidade sosial ne’ebé nakrata mai ho nia problema no dezafiu sira barak, tanba ne’e estudante sira tenki le’e maka’as livrus sira, tenki iha esperitu vontade nomós kretividade sira, tanba fatin ida ne’e fatin ba kadi kakutak”,dehan Amu Selebrante.

Nia hatutan, UNPAZ universidade ida ne’ebé bo’o, iha maromak nia futar oin, tanba ema rihun ba rihun mak hakna’ar an hela iha ne’e, tanba ne’e kualidade ida ne’e importante, tanba imi mai iha ne’e atu haluan tan imi nia perspetiva, imi nia inisiativa, imi nia kreatividade, universidade no fakuldade loke hela dalan, atu imi bele deskobre rasik imi nia kakutak, tanba timor presiza feto no mane ne’ebé mak iha kakutak.

Iha fatin hanesan, Magnifiku Reitór, Universidade da Paz, Dr. Adolamndo Soares Amaral, Lic.Eco.,MM. agradese ba amu selebrante Juvito do Rego, ne’ebé mak ohin bele hamutuk ho ita iha fatin ida ne’e, hodi halo misa ba estudante anu letivu 2023 nian, ha’u hanoin ba alin no kolega estudante sira hotu imi hamutuk 3.448 ne’ebé ohin mai partisipa iha fatin ida ne’e, hanesan amu hateten, ita bo’ot sira mak sei sai alternativu ba nasaun no ba povu rai ida ne’e, ba aban bainrua nian.

“Ita bo’ot sira atu sai alternativa, mak ita bo’ot sira tenki aproveita tempu ne’e ho di’ak, se ita bo’ot sira la aproveita tempu ho di’ak konserteza, aban bainrua imi sei sai atan ba ema sira ne’ebé aproveita tempu ho di’ak, ita lubuk bo’ot ida iha ne’e, ita mai aprende siénsia no teknologia, maibé ita mós keta haluhan ita nia maluk balu, sira mós ba okupadu sira nia-an iha rai bara-barak iha mundu ne’e, ita sira laiha oportunidade di’ak hanesan sira eskola ba, ita mós hasoru malu iha fatin ida ne’e mak aproveita tempu ho di’ak, tanba sira iha ne’eba mós aprende siensia, ita iha ne’e mós aprende siensia, diferensia ne’e sira iha ne’eba aprende ho lian portugues, ingles, españa, Japaun, karik ita iha ne’e portugues, ingles, Tetun. Ne’ebé kestaun sira atu di’ak liu ita ne’e intermus de’it, maibe kona ba siensia ita aprende siensia hanesan”,dehan Reitór.

Nia hatutan, atu to’o objetivu sira ne’e hotu, mak prosesu hotu ne’ebé ita bele halo husu ba imi katak, ita koloka ba maromak ba sentru, karik ita la koloka maromak ba sentru saida mak ita halo sei laiha valor, tanba ne’e husu ba imi tenki komprende aman, oan no espiritu santu. Tanba husi aman mak ita hotu-hotu sei dada iss moris, tanba husi oan mak fó nia an prega ba krus hodi salva ita hotu to’o ohin loron ita bele tur iha ne’e. tanba imi nia fi’ar ba universidade da paz, tanba ida ne’e agradese ba imi, ba inan aman, ba familia nomós ba povu no rai ida ne’e, ne’ebé fihir universidade da paz hodi afirma imi nia pozisaun hamutuk ho ami iha ne’e 3.448 ne’ebé mak ohin loraik kmanek ida ne’e, ita tuir missa abertura ba anu letivu foun 2023 no aban mak ita tuir orientasaun.

Entretantu misa abertura ne’e, prejidi husi Amu Selebrante, Jovito do Rego, partisipa masimu husi estrtura Senadu Universidade ne’ebé mak kompostu husi, Magnifiku Reitór, Universidade da Paz, Dr. Adolamndo Soares Amaral, Lic.Eco.,MM. Vise Reitores sira, Dekanu Fakuldade Neen, Xefe Departamentu sira, Diretor/a Unidade sira, Dosente, Funsionariu, sivitas akadémiku iha Universidade da Paz.

Média UNPAZ : Ellhu