UNPAZ SELEBRA MISA AGRADESIMENTU BA ANIVERSARIU NO ENSERAMENTU ORIAK

UNPAZ SELEBRA MISA AGRADESIMENTU BA ANIVERSÁRIU NO ENSERAMENTU ORIAK

Dili-09 Marsu 2025 Universidade da Paz (UNPAZ) selebrasaun misa agradesimentu ba komemorasaun dies natalis UNPAZ ba dala XXI.

Misa enseramentu programa orientasaun akadémiku ba estudante foun tinan 2025, iha Salaun José Kasimiru.

Iha omilia Amu Kapelaun UNPAZ, Pe. Manuel Pinto, SVD,Lic.Fil.,MD. Hateten ita halibur malu iha fatin ida ne’e, iha razaun tolu ne’ebé importante, primeiru razaun ita mai ho orgullu no espiritu ne’ebé ohin selebra aniversariu UNPAZ 21 anus, segudu ita akumula estudante foun (4.612) no terseiru primeiru domingu tempu de quaresma ne’ebé tempu hakmatek no renova ita nia moris.

Husi razaun tolu ne’e mak ita halibur malu iha fatin ida ne’e ho sentimentu gratidaun ba Maromak bele inspira ema lubuk ida husi matebian Prof. Dr. Lucas da Costa ho sira seluk, ne’ebé funda Universidade ida ne’e husi 2004-2025, kompleta ona 21 anus.

Amu ne'e konta UNPAZ sai hanesan ne’e lafasil hasoru difikuldade no dezafiu oi-oin, maibe ita agradese ba Maromak.

Iha misa agradesimentu ba selebrasaun dies natalis UNPAZ no programa orientasaun akadémiku, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM akompanha husi espoza, estrutura Senandu Universidade, Senadu Fakuldade, Pro-Reitore, Diretor, Xefe Unidade, Dosente, Funsionariu, kandidatu estudante foun nomós estudante ativu Universidade da Paz.