UNPAZ SELEBRA MISA ABERTURA ORIENTASAUN AKADEMIKU 2025

UNPAZ SELEBRA MISA ABERTURA ORIENTASAUN AKADÉMIKU 2025

Dili-05 Marsu 2025 Universidade da Paz (UNPAZ) hala’o misa aksaun de grasa ba abertura orientasaun akadémiku no Selebra mos misa Quarta feira sinzas, ne’ebé preside husi Amu Kapelaun UNPAZ, Pe.Manuel Pinto,SVD.,Lic. Fil.,MD. Iha Salaun José Kasimiru.

Iha misa abertura ne’e, Magnífiku Reitór UNPAZ, Dr. Adolmando Soares Amaral, Lic. Eco.,MM. hato’o obrigadu no agradese ba sosiedade no ba inan aman sira ne’ebé tau fiar ba oan sira hodi haruka mai kontinua apriende siénsia iha UNPAZ, tanba ne’e, ita hotu iha responsabilidade moral atu kontribui ba povu no nasaun ida ne’e.

“Hanesan instituisaun akadémiku no ema akadémiku ne’ebé hakarak mai apriende siénsia Sira, atu nunee iha responsabilidade moral no fó solusaun ba fenomena sosial polítiku no ekonomia ne’ebé ita nia nasaun hasoru”,dehah Reitór UNPAZ.

Reitór husu ba kandidadu estudante sira atu halo jestaun ba tempu ho di’ak, hodi apriende siénsia no teknolojia, nune’e bele sai rekursu humanu ne’ebé kualidade atu sai serbídor no atan lolo’os ba povu no ba rai ida ne’e.

Magnífiku reforsa tan Timor atu ba oin iha imi na’in hira nia kabas, Tamba sakrifisiu inan aman nian ho situasaun no kondisaun ne’ebé lahanesan iha ida-idak nia familia, Tanba ne’e imi tenki apriende ho di’ak hodi fó solok ba sira iha tempu sira tuir mai.

Iha misa abertura ba orientasaun akadémiku no misa Quarta feira sinzas ne’e, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM. ho estrutura Senandu Universidade, Senadu Fakuldade, Pro-Reitores, Diretor, Xefe Unidade, Dosentes, Funsionariu, kandidatu estudante nomós estudante ativu Universidade da Paz.